by

Estudante UNTL Paralelo Ainaro Halao Limpeza iha Merkadu Maubisse antes Hakat ba Dili

Estudante UNTL Paralelo Municipiu Ainaro Halao Limpeza iha Merkadu Maubisse antes Hakat ba Dili hodi Halao estudu Komparativu iha UNTL no INFORDEPE Dili, maibe antes hakat ba Dili, estudante sira halao uluk limpeza iha dalan protokolu no Mekadu Municipal Maubisse.

Quarta Feira 9/9/2020, Ba Jornalista Radio Komunidade Maubisse Mauloko Ana Maria Pereira hanesan formadora ba estudante UNTL paralelo  Ainaro, hateten katak objektivu husi aktividades ida ne’e mak halao estudu komparativu entre estudante UNTL Polo Ainaro ho estudante UNTL iha Dili, konaba ambiente.

Durante halao estudu komparativu iha Dili sei foka konaba material edukasaun saude ambiental, tamba aktividade estudu komparativu konaba saude ambiental ne’e halao ona iha Dolok oan ho Maubisse, em relasaun ho estudu komparativu ne’e tamba estudante sira nia teoria hotu ona. Relasiona ho teoria ne’ebe estudante sira estuda durante ne’e iha Ainaro hotu ona maibe, sira seidauk hatene ambiente UNTL iha Nasional no INFORDEPE, ne’e mak iha biban ida ne’e lori estudante sira ba Dili hodi hatene diak liu tan konaba estrutura UNTL husi Reitoria  to’o dosente sira, liu-liu estudante sira nia Dekanu no Chefe Departementu sira iha UNTL, especial iha area edukasaun.

Nune’e mos ho estudu komparativu ida ne’e, estudante Polo UNTL Ainaro precise hatene mos estrutura iha INFORDEP Nasional, tamba ho mudansa politika, estrutura sira iha Diresaun INFORDEP la permanente, tamba ne’e mak iha oportunidade ida ne’e lori estudante sira ba Dili hodi konhece diak liu tan estrutura iha UNTL no INFORDEP.

Depois de halao estudu komparativu, estudante sira sei vijita mos Museu Resistencia, Biblioteka, no Laboratoriu INFORDEP Nasional, nune’e ba oin se estudante sira hakerek sira nia relatoriu monigrafia bele impresta livru iha Biblioteka INFORDEP hodi bele ajuda estudante sira hakerek monografia.

Aktividades estudu komparativu ida ne’e halao durante loron tolu hahu husi dia 9 de Setembro 2020 to’o dia 11 de Setembro 2020 iha Dili, Total estudante nebe participa iha estudu kompatativu ida ne’e husi faze primeiru no faze segundu hamutuk 285 agora estudante sira nebe ba ona iha primeiro etapa hamutuk 122 pessoas, no  segundu fase nian hamutuk 138. Estudante sira ne’e mai husi posto adminstrativu hat iha Municipiu Ainaro, Materia sira ne’ebe estudante sira husi UNTL Polo Ainaro estudu durante ne’e maka konaba materia segundu siklu no materia sira ne’e prepara husi UNTL, no material nebe estudante sira foti material jeral, hanesan Material edukasaun saude ambiental, utilizasaun ar pratika, utilizasaun aqua, nomos dezastre naturais.

Nune’e mos Marcos da Conseição hanesan estudante UNTL paralelo Ainaro ba Jornalista Radio Komunidade Maubisse hateten katak, objektivu principal husi Ainaro mai iha Maubisse atu halao limpeza ba are sira hanesan merkadu maubisse, tamba material ne’ebe estudante sira foti iha escola konaba material Ambiental, no nia haktuir liu tan katak, depois de limpeza iha merkadu Maubisse, sei kontinua viajem ba Dili hodi halao estudu komparativu iha UNTL no INFORDEP Nasional nomos sei vizita Museu Resistencia, Biblioteka INFORDEP no Laboratoiu INFORDEP.

Jornalista             : Fina Menddonca

Editor                    : Racom Maubisse

Comment