by

Dezemvolvimentu Maubisse labele hein loron aban, Diak Liu Loron Aban Hahu Ohin.

Maubisse Nia Dezemvolvimentu labele hein loron aban, Diak Liu Loron Aban Hahu Ohin, tamba tempu agora la hanesan tempu uluk, katak tempu uluk ita moris iha situasaun ida ne’ebe susar tebes, maibe tempu agora moris iha situasaun ida ne’ebe modernu tebes. Klaru katak iha buat lubuk ida ne’ebe foun halakon buat tuan, buat be tuan hela ba historia, no historia mak bele konta ba jerasaun foun sira. koalia kona ba mundu globalizasaun ohin loron ita la hatene atu usa saida mak atu sukat hanesan sasukat ida hodi sukat mundu ne’ebe modernu tebes hanesan ohin loron. tempu agora mais facil kompara ho tempu uluk mais dificil. Difisil katak laos buat hotu mai ita susar, maibe difisil katak buat hotu mai ita tenke lao ho ekonomia se la iha ekonomia ita sei la bele halo buat ida. Maibe kuandu ekonomia iha buat hotu maske do’ok husi matan besik iha fuan no fuan mak tetu no sukat buat hotu, ikus mai tau ba pratika. Tamba ne’e ho situasaun mundu ohin loron nian diak liu uza oportunidade ne’ebe iha hodi hakail matenek liu husi siencia ne’ebe ita iha hanesan iha dadaun hodi bele hakat ba oin maske neneik maibe bebeik hodi dezemvolve Maubisse. Sertamente ba futuru Maubisse sei sai furak liu tan nune’e bele atrai ema wain ba wain mai visita rai Maubisse. Ho lian fuan simples mak tenke iha kometimentu boot hodi bele hadia ita rain ba oin ho diak hanesan musika lahane group dehan “loron aban hahu ohin”.

Maubisse furak, Maubisse ho nia klima fresku, no Maubisse mai no ho dezemvolvimento lubuk ida mak hanesan ita hotu akompanha mak, Hotel Pousada, Guest Haose, Hospital Referral, Klinikas, Igreja Bo’ot ne’ebe ho modelu furak, Turismu Komunitario Sentru Agrikultura, Eskola Verde iha Lebulora, ho nia jardin infeita ho aifunan sira Armajem Rejional Radio komunidade, ho tan dezemvolvimentu seluk ne’ebe governu NGO’s no komunidade kontribui ba rai Maubisse hodi halo sidade Maubisse, laos ne’e deit escolar lubuk ida nebe iha suco sia liu liu escolar STVA horaquic no Escola STVA Bermoli maulau, Coperativa Café iha Aitalo. Dezemvolvimentu hirak ne’e kontribui ba iha seitor agrikultura, kultura, turismu, edukasaun saude, komunikasaun no dezemvolvimentu sira seluk.

Buat sira ne’e hotu ho objektivu kontribui on aba dezemvolve Maubisse sai sidade ki’ik ida ne’ebe furak no kapas iha rejiaun raik-laran. Hanesan ita nobun hare no akompanha hamutuk katak situasaun ohin loron lao diak no hakmatek los e maske iha problema social ruma mosu iha komunidade nia le’et maibe ita la nota no la fo impaktu ba dezemvolvimentu. Signifika katak situasaun em jeral ohin loron iha Maubisse lao hakmatek tamba komunidade iha rai ida ne’e kontribui ona ba paz no dame liu husi kultura rai ida ne’e nian.

Comment