by

Uma Lisan Tirlolo Hari Husi Kuilbere Kuil Sabai No Siu Bere Siu Sabai

Istoria ida ne haktuir husi nain ba uma Lisan Tirlolo Joao Mendonsa Maia iha serimonia inagurasaun uma lisan Tirlolo Aldeia Hahi Mau Suco Maulau Posto Administrativu de Maubisse.

Maubisse, 17/09/2020, Ba jornalista Radio Komunidade Maubisse Mauloko, lia nain Joao Mendonca Maia haktuir katak uma lisan Tirlolo Hahi Mau Ikus mai bele inagura tamba hetan apoio maksimu husi uma nain rsik, inklui feto san umane no mos parte autoridade komunitariu suco Maulau. Oinsa prosesu hari no inagurasaun uma lisan ne’e, Lia nain Joao haktuir katak uma lisan Tirlolo halao ona konstrusaun iha tinan rua liu ba, maibe tamba situasaun klima, situasaun ekonomia no situasaun kovid-19 mak impede hela ikus mai ohin dia 17 mak halao inagurasaun.

Antes halao ingaurasaun tuir lia nain Joao katak primeiro uma nain sira husi Lisan Tirlolo halai hamutuk hodi halo preparasaun, depois lia sai ba kai-fetosan no umamae sira, autoridade local sira, ikus mai bele realiza serimonia inagurasaun lisan Tirlolo ne’ebe ohin dia 17/09/2020 bele inagura hanesan ita hare dadaun ne’e. Maske hasoru dezafius barak maibe fiar metin ba Maromak ho lisan buat hotu bele lao diak.

Jornalisat Juliana Maria Ferrao

Editor Racom Maubisse

Comment