by

Extensionista Posto Adm. Maubisse Preokupa Ho Transporte

Extensionista Posto Administrativu de Maubisse Preokupa ho Transporte Hodi Facilita Sira nia Aktvidades tamba transporte hanesan motorizada ne’ebe durante ne’e sira simu husi Ministeriu Agrikultura e Pescas Kuaze tuan no at hotu ona.

Ba Jornalista Radio Komunidade Maubisse Koordenadora Extensionista Posto Administrativu de Maubisse, Esmeralda Pereira Carlos hateten katak, aktividades hotu konaba agrikultora no hortikultura ami halao hela, bazeia ba kna’ar ne’ebe ami iha, maibe buat ne’ebe difikulta ami mak transporte hanesan motorizada, tamba motor sira ne’ebe ami uza dadaun ne’e kuaze tuan no atu at dadaun ona.

Husu konaba tambasa mak transporte sira ne’e uan no at dadaun oan, Extensionista ne’e haktuir katak, transporte sira ne’ebe ami iha hanesan iha dadaun ami simu husi Ministeriu Agrikultura kleur ona kuaze tinan sanulu resin.

Tamba transporte hanesan motorizada sira kleur ona dala ruma ami halo viazem ba suco no aldeia at iha dalan difikulta ami atu be halao ami nia servisu ho diak. Tamba nee tuir Lider Extensionista Posto Administrativu de Maubisse ne’e katak sebele husu ba Governu atu bele apoia transporte mai Extensionista sira iha Posto Maubisse, nune’e bele facilita servisu ami nian iha baze ho diak liu tan.

Tamba se ho deit transporte sira neebe mak kondisaun tuan no at bebeik ne’e mak kami sei labele halao servisu ho diak tamba Maubisse nia kondisaun dalan ka Estrada ba aldeia no suco sira iha Maubisse ho foho barak, ami sei labele kobre ho maksimu.

Jornalista Josefina Fernandes

Editor Racom Maubisse

Comment