by

Maubisse Oan sira iha Irlanda & Inglaterra Fo Kontribuisaun Hari Cruz iha Cimiteriu Maubisse Villa

Maubisse Oan sira ne’ebe servisu iha Inglaterra ho Irlanda do Norte fo kontribuisaun hodi hare cruz ho altar iha Cimiteriu Jeral maubisse Villa. Ho kontribuisaun ne’ebe mak Maubisse Oan sira iha Inglaterra ho Irlanda do Norte ofrece hodi hari Cruz ho Altar iha Cimiteriu Jeral Maubisse Villa, iha dia 02 de Novembro 2020, Amu Paroco Maubisse ho Administrador Posto Maubisse inagura.

Relasiona ho inagurasaun cruz iha cimiteriu jeral maubisse, ba radio komunidade maubisse mauloko, 02/11/2020, Presidente Komisaun Organizadora ba rehabilitasaun cruz no altar iha cimiteriu jeral Maubisse, Constantinu Nopel Fernandes hateten katak em nome komunidade Maubisse hato sentidu kondolencia ba matebian Cina Apina ne’ebe iha passdu ho hanoin hodi hari cruz iha cimiteriu Jeral Maubisse iha tinan 24liu ba kotuk, Alende ne’e mos Iha diskursu Presidente Komisaun hato’o agradece ba grupo sira nebe mak apoia konstrusaun crus ho mos komunidade no jovens sira nebe iha boa vontade hodi ajuda to realiza inagurasaun

Tamba ne’e tuir Presidente Komisaun Organizadora ne’e katak apoia nebe mak ofrece hodi rehabilita crus ne’e mai husi maluk Maubisse Oan sira nebe mak servisu iha Inglaterra ho Irlanda Do Norte

Iha fatin hanesan ba jornalista Radio Komunidade Maubisse, Amu Paroco Maubisse Padre Feliciano B.R. Sores, hateten katak nia sente kontente ho Maubisse Oan sira nebe iha iniciativa hodi hamutuk ho Chefe Suco Maubisse Vila no Jovem Community Maubisse hodi hari cruz no altar iha Cimiteriu Jeral Maubisse villa. Amu Paroco Maubisse ne’e haktuir liu tan katak durante ne’e parte igreja ho estadu servisu hamutuk diak tebtebes hodi hare konaba sa kontribuisaun mak parte igreja ho estadu sei halo ba Maubisse tamba igreja ho estadu ukun ema ida deit, sarani mak povu no povu mak sarani.

Iha homilia  Amu Paroco Maubisse hateten katak nia sente orgulho tamba Chefe Suco Maubisse Villa ho nia grupo joventude sira bele servisu hamtuk hodi hari crus ho altar, e tuir los konstrusaun hansan ne’e igreja nian maibe chefe suco sira haolo ona nee agradece.

Relasiona ho loron matebian ne’ebe monu iha dia 2 de Novembro kada tinan, Tuir Amu Paroco Maubisse katak finhadu tinan kotuk ho tinan ida ne’e kuaze hansan maibe iha buat foun ida nebe mak akontese hanesan dadaun cruz ho alter nebe hetan apoiu fundus husi Maubisse oan sira iha rai liur ikus mai ita realiza ohin bele inagura.

Iha fatin hanesan ba Jornalista radio Komunidade Maubisse, Chefe Suco Maubisse Villa Wilson Nivio Mendonca haktuir katak ho realizasaun cruz ho altar Iha Cimiteriu Jeral  Maubisse tamba hetan apoiu maksimu husi juventude sira iha maubisse villa nebe mak hamahan-an iha Community Maubisse, ho grupo Magerful, Grupo Vila Maria ho tan grupo sira iha Cina Uma Maubisse, nomos agradece ba Maubisse Oan sira nebe mak iha Iglaterra Ho Irlandia Do Norte.

Chefe Suco ne’e akresenta liu tan katak fundu nebe hetan mai husi Maubisse Oan sira nebe iha rai Irlanda no Iglaterra hamutuk 1.998,92.00//

Ho apoiu sira ne’e, Chefe suco Wilson sente orgulho tebes tamba hetan participasaun maksimu husi joven sira ikus mai bele realiza cruz ho altar iha Cimiteriu Jeral Maubisse.

Jornalista : Joaquim de Fatima Coutinho

Editor: Racom Maubisse

Comment