by

Cooperative Multi Sektoral Moris Foun Unidade Café Nain Maubisse Realiza Assembeleia Jeral Anu Fiscal 2021

Cooperative Multi Sektoral Moris Foun Unidade Café  Nain Maubisse Ou Cocamau Realiza Assembeleia Jeral Anu Fiscal 2021, Iha Posto Administrative De Maubisse Municipiu De Ainaro.

Iha intervista ba Radio Komunidade Maubisse Mauloko, Secretariu Estado Kooperativa Elizariu Ferreira hateten katak, Kooperativa Cocamau esiste ona tinan sanulu resin, ho aseimbeleia ida ne’e atu halo dezempenho no avaliasaun ba cooperative nebe tinan ida liu nune’e bele difini asaun ba oin.

Ho prezensa Secertaria Estdu Coperativa nian iha Cocamau atu motiva membru kooperativa sira hodi asegura kualidade café. Husu konaba oinsa progresu  cooperativa Cocamau iha Posto Administrativu de Maubisse, Sekretariu Estado Kooperativa ne’e haktuir katak, progresu ne’ebe iha mak membru aumentu maibe konaba capital menus.

Tuir Sekertaria Estudo Kooperativa katak parte governu la apoiu, maibe governu  buka meus oinsa mak atu kria kondisaun ba grupo kooperativa sira. Entertantu iha fatin hanesan Directora PARCIC, Ito Junko iha intervista ba Radio Komunidade Maubisse katak objektivu halao asembeleia ida ne’e hodi hato relatoriu aktividade no relatoriu financeiro ba membru sira. Directora PARCIC ne’e akresenta liu tan katak total oramentu nebe nia hatene katak COCAMAU tau orsamentu hamutuk $ 35.000 (trinta e cinco mil) no osan nebe COCAMAU iha total 64.000 (sessenta e quatro mil).

Maske orsamentu ho volume boot maibe tuir Directora Ecsekutiva PARCIC ne’e katak orsamentu refere la to’o tamba COCAMAU agora iha ona nia membru 690 (atus ne’en sia nulu resin). Oinsa atu hetan solusaun ba difikuldade sira nebe COCAMAU hasoru mak tuir Directora PARCIC ne katak COCAMAU rasik mak dezemvolve sira nia programa no mos precisa konhecimentu nebe barak ho konhecimentu jestaun nebe diak, hodi dezemvolve Grupo COCAMAU iha future.

Konaba monitorizasaun café iha Maubisse, tuir Ito Junco katak cafe nain Maubisse iha ona konhecimentu konaba saida mak koalidade café, PARCIS durante nee facilita ekipamentus ba tos nain café iha Maubisse oinsa atu bele produs café ho kualidade, hahu husi 2003 no remata iha2011. Directora parcic ne mos haklean liu tan katak, iha tinan 2020, total uma kain nebe hola parte iha grupo COCAMAU hamutuk atus ne’en limanulu resin no ba oras ne’e dadaun hamutuk iha tinan 2021 aumenta tan grupo tolu  hamtuk uma kain atus ne’en sia nulu resin

Iha fatin hanesan, Director IADE Posto Maubisse Ivo Joe katak, Liu husi assembleia jeral ne’e hodi hare konaba problema ka obstaklu nunee bele hare konaba planu nebe sei mai iha tinan oin.

Jornalista Natalino Mendinca

Editor Joaquim de Fatima Coutinho

Comment