by

Familia Uma Kain 54 Iha Aldeia Poelau Suku Soro Municipio Ainaro Halerik Ba Bee Mos.

Ainaro, 01/03/2021, Familia uma kain 54 iha Aldeia Poelau Suku Soro Munisipio Ainaro, halerik ba bee mos no wain hira atu asesu be mos tenke lao ain kuaje kilo metru ida resin hodi asesu ba bee mos.

Komunidade Uma Kain 54 Iha Aldeia Poelau Suku Soro Munisipio Ainaro durante ukun-an to’o ohin loron halerik ba bee mos,  wain hira atu asesu ba bee mos tenki lao ain kuaze kilo metru ida resin hodi asesu ba bee mos hodi uza ba nesesidades lorlor nian.

Relasiona ho assuntu bee mos refere, Santiago de Araujo Kodigo (Bere Hali) Reprejenta  Komunidade Aldeia Poelau Soro Ainaro, ba Jornalista Radio Komunidade Maubisse Mau-Loko hateten,  katak: “Durante ne’e sira terus liu mak bemos hahu kedas tempu okupasaun idonesia, nia ho nia familia lao ain kuru bee nebe sira asesu hodi  fo ba girleru kay rala xanana gusmao wain hira nia subar iha nia uma”.

Ligado ho perkupasaun nee Bere Hali husu ba estado atu apoi netik matrial ruma konaba ba bee mos nune nia parte pronto ho komunidade sira atu servisu foluntario.

Rozario da Costa hanesan Xefe Aldeia Poelau hatutan, ligado ona ho perkupasaun ne’e nia parte hamutuk ho autoridade suku, submete ona proposta ba munisipio, maibe too ohin loron seidauk hetan resposta, tamba ne’e nia parte  husu nafatin  ba estadu atu hare ba perkupasaun nebe komunidade sira infrenta.

Entertatu tuir observasaun Joranlista Radio Komunidade Maubisse Mauloko iha terenu,  bemos nebe komunidade sira asesu dook duni wain hira tempu udan inan feto sira labele ba kuru be tamba rai namdoras,  mane sira mak bele ajuda inan feton sira hodi bele ba kuru bee mos, nebe ho kilometru kuaze ida ho resin.

Jornalista Augusto Alves de Carvalho

Editor Joaquim de Fatima Coutinho

Comment