by

Conselhu Veteranus Munisipio Ainaro Apoui Nececidade Básika Ba PNTL iha Raimea Tutun.

Conselhu Veteranus Munisipio Ainaro Apoui  Nececidade Básika Ba PNTL, Ne’ebé Destaka iha Raimea Tutun Baliza Entre Municipiu Ainaro ho Municipiu Cova Lima, emos apoia nececidade Baziku ba PNTL sira nebe halaomos aktividades iha Suco Maulu Ainaro ne’ebe baliza ho Municipiu Bobonaro.

Sexta Feira 05/03/2021, Presidente Konselho Veteranus Municipiu Ainaro ho ekipa halao vijita ida ba iha  Raimeia, fatin ne’ebe mak Policai Nasional Timor Leste Municipiu Ainaro, halao cek point ba transporte tantu roda rua no roda hat, iha baliza entre Kovalima ho Ainaro, relasiona ho covid-19 ne’ebe oras ne’e dadaun invade Timor Leste, liu liu iha Municipiu Covalima.

Objektivu husi vijita refere  mak fo ajudus baziku balun hodi apoia PNTL Munisipio Ainaro  ne’ebe halao hela kna’ar iha Rai Mea Tutun, no apoia sira ne’e mak hanesan agua dos sanulu resin, pop me, inklui biskuit no nececidade baziku sira seluk, nune’e bele apoia PNTL municipiu Ainaro nia aktvidades pasa revista ba transporte sira, ligado ho serka sanitaria ne’ebe aplika ba Munisipio Kovalima.

Ba Radio Komunidade Maubisse Mauloko, Presidente Coselho Veteranus Munisipio Ainaro  Julio da Conceição ho kodigo (Loro Mesak) iha nia intervista  hateten katak, asaun ne’ebe Asosiasaun Veternaus Munisipio Ainaro halao la liga ho politika, maibe hanesan ema veteranus tenke apoiu uituan ka barak ba ita nia siguransa PNTL sira ne’ebe halao hela siguransa iha Rai Mea Tutun baliza entre Municipiu Ainaro ho Municipiu Covalima inklui Municipiu Bobonaro, ne’ebe baliza ho Municipiu Ainaro.

Presidente Konselhu Veteranus Munisipio Ainaro  ne’e salienta liutan katak, tempu badak Koselu Veteranus Ainaro mos sei halao asaun karidade hodi tau hamutuk fos saka ida rua hodi apoiu komunidade sira iha Covalima  ne’ebe menus aihan liga ho serka sanitaria ne’ebe aplika iha Covalima.

Entertanto asaun  solidadridade ne’ebe Veteranus Munisipio Ainaro apoio ba siguransa sira nebe destaka iha Raimea Tutun baliza entre Municipiu Covalima -Suai  no Suco Mau-Ulu Ainaro baliza ho Municipiu Bobonaro  hamutuk be agua dos 14, pop me, beskui inklui nesisidade baziku sira seluk.

Jornalista Augusto Alves de Carvalho

Editor Joaquim de Fatima Coutinho

Comment