Tersa Feira Ne’e  Komunidade Aldeia Lequitei, Aldeia Urahou, Aldeia Maubisse Vila Tersa ne’’e Simu Aihan  Sesta Bazika.

Relasiona ho  simu aihan sesta bazika ne’e, komunidade sira lamenta ho aihan nebe kompañia ferjapa lda, distribui, Hatan ba preokupasaun hirak ne Diretor Kompania  Ferjapa Unipesoal lda Saturlino Soares Barreto klarifika, aihan nebe mak distribui ba komunidade sira, antes ne, konmpania lori uluk sampel ba aprezenta iha gabinete primiro ministru no hetan aprovasaun mak kompania foin exekupa.

Nune mo manuel barros husi aldeia urahou  kestiona  kona ba aiahan sesta bazika nebe distribui, tuir komunidade ne haktuir Maubisse aihan sira hanesan batar, kafe , forkili, no noto iha hela, maibe kompania distribui nafatin aihan sira nebe maubisse rasik iha, nia parte mos rekomenda atu distribui aihan  nebe maubisse la iha hanesan foremungu no seluk tan. Hatan ba kestau ne  diretor kompania  ferjapa unipesoal lda saturlino soares barreto hateten,  kompania  refere fahe aihan sira ne,  tamba atu rekopera fila fali ekonomia railaran, nune mos hanesan meios ida atu motiva agrikultor sira nune labele abandona tos no natar sira nebe iha.

Ligadu ho  aihan sesta bazika nebe fahe hanesan batar no koto, forkili, kafe, Xefe Do Suku Maubisse Vila  Wilson Nivio Mendonca hateten , tamba konfirmasaun husi kompania  tarde, ho situasaun nebe lais liu, labele observa  aitem nebe fase  distribui. Sefe suku ne nia parte rekomenta ba estadu  liliu ba  governo  programa refere diak tebes, tamba ne karik nia kontinuasaun  ba futuru aihan nebe maubisse iha governu bele sosa distribui ba fatin seluk nebe la iha, no sosa filia fali aihan seluk nebe maubsise  la iha bele mai distribui.

Entertanto tuir lista fahe aihan sesta bazika ne, ba aldeia tolu hanesan aldeia  lequitei, aldeia urahou, aldeia maubisse vila, maibe tamba aldeia lequitei total benefisiarius 916 aldeia rua seluk, aldeia ura hou , aldeia villa  adia fali ba 03/03.

Jornalista Augusto Alves de Carvalho

Editor Joaquim de Fatima Coutinho