by

Konsellu Veteranos Municipio Ainaro Oferese Aihan Nesacidades Bazico Ba Familia Vitima Dezastre Naturais Iha Postu Administrativo Maubisse Municipio Ainaro.

Kuarta feira loron 05 fulan maio tinan 2021 foin lalais ne’e konsellu veteranos municipio ainaro oferese aihan nesacidades bajico ba familia vitima dezastre naturais iha postu administrativo maubisse municipio ainaro.

Apoiu  nesacidades bajiko hirak ne’e kompostu hosi fo’os, mina, supermi inklui kafe no masimidar. Apoiu ida ne’e oferese liu vitimas hirak ne’ebe maka  grave liu e mos lakon vida.Maka hanesan Tarabula suku Maulau, Aldeia Rita, Inklui Suku Maubisse Villa Postu Administrativo Maubisse.

Hafoin de distribui aihan Nesacidades bajiku hirak ne’e ba Jornalista Radio Komunidade Maubisse  Presidente Konsellu veteranos Municipio Ainaro Julio da Conceicao “LORO MESAK” hateten, Nesacidades bajiku hirak n’e hetan Kontribuisaun hosi Veteranos Ainaro oan sira, no Konsellu Nasional ne’ebe maka Apoiu mos hosi Veteranos Australia.

“Sasan nesacidades bajiku ne’ebe maka ohin ita lori mai iha fatin ida ne’e, hetan apoiu hosi ita nia veteranos Ainaro oan rasik I hetan mos osan balu hosi Konsellu Nasional ne’ebe maka ita nia maluk veteranos Australiano sira haruka mai. Tamba  ita Ainaro mos hetan dejastre inundasaun  entaun apoiu sira ne’e mai mos husi Konsellu Nasional  fo ba direita ema ne’ebe mak hetan dejastre naturais inundasaun.”

Loro Mesak Kuntinua relata Nesacidades bajiku hanesan oferese ona mos ba familia vitimas dezastre Naturais iha Postu Administrativo Hatobuilico.  Apoiu ida ne’e la hare ba Vitimas sira ne’ebe lakon vida, maibe ba mos familia sira ne’ebe maka hetan inudasaun, hanesan uma ho to’os .

“Apoiu konsellu nian la hare deit ba sira ne’ebe mate maibe sira ne’ebe mak hetan inundasaun hanesan rai lori uma   halai ka uma hetan estragus ita apoiu hotu la hare deit ba sira ne’ebe mak mate iha Maulau. Apoiu ne’ebe ohin ita lori  Mai iha Maulau, Rita sei ba tan iha Maubisse Villa.”

Iha biban ida ne’e mo’os xefe do Suku Maulau Domingos Mendonca nia Parte agradese ba iha Vizita Presidente Konsellu Veteranos Municipio Ainaro ho ekipa, iha Tarabula Maulau, hodi hare direita fatin inundasaun ne’ebe akontese iha Tarabula Maulau hodi rejulta ema nain Lima lakon vida.

“Hanesan autoridade suku Maulau  ninian sente orgullo ho visita presedente Konsello veteranus Munisipio Ainaro ninian  ne’ebe bele to  iha fatin akontesemento,  e depois  lori  mos apoio humanitario ba familia matebian.”

Iha Loron ne’ebe maka hanesan mo’os  apoiu nesacidades bajiku hanesan oferese mo’os ba familia vitimas uma kain rua iha Aldeia Rita Suku Maulau. Hosi Presidente Konsellu Veteranos Municipio Ainaro. Liga ho ida ne’e Reprejenta komunidade afetado Dezastre Naturais, Xefe Aldeia Rita Francisco  Soares Tomas, nia parte agradese ba iha Apoiu hirak ne’e, maske naton maibe to duni iha sira nia hela fatin. Xefe Aldeia Kuntinua Relata total  familia Vitima ba Dejastre Naturais iha Aldeia Rita hamutuk Sanolu resin ha’at (14) ne’ebe to agora sidauk hetan Apoiu ruma, Maske dadus submete ona ba iha Parte Kompetente.

Entretanto apoiu hirak ne’e oferese ba familia vitima dejastre Naturais Tarabula, Rita Suku Maulau, inklui Suku Maubisse Villa,  Hosi Konsellu Veteranos Municipio Ainaro Kuarta Loron 05 fulan Maio Foin lalais ne’e.

Jornalista Junior Villa

Editor Moises da Silva Magno

Comment