Plan Internasional Fasilita Formasaun Ba Komunidade Agrikultor Suku Maubisse Villa Durante Loron Rua Hahu Segunda Semana Ne’e.
Liga ho formasain ida ne’e koordenador ba Projeto hosi Municipio Aileu Francisco Pinhero Pereira ba Jornalista Radio Komunidade Maubisse Mauloko deklara, objetivo hosi formasaun ida ne’e kona ba to’os uma hun hodi Simu mos fini ne’ebe maka sei oferese ba iha komunidade To’os nain sira iha suku Maubisse Villa, fini hirka ne’e maka hanesan baria, fore, modo mutin, inklui prinjela.
‘’Objetivo hosi ohin ami mai halo treinamentu ida ne’e, kona ba to’os uma hun ka kantaderu uma hun molok ita atu distribui fini ba iha komunidade sira bajeia ba iha lista ne’ebe maka ita identifika ona hamutuk ho autoridade lokal. Ho ida ne’e sei distribui mos fini oin lima ne’ebe maka sei distribui ba sira hodi kuda iha sira nia uma hun, hodi bele aumenta ekonomia uma laran.’’
Formasaun hanesan sei halao mos ba Suku walu seluk iha Postu Administrativo Maubisse.
Iha fatin hanesan mos Xefe do Suku Maubisse Villa Wilson Nivio Mendonca hateten, Treinamento ida ne’e sei halao hotu ba komunidade sira ne’ebe maka identifika ona, no ba dahuluk hahu uluk hosi Aldeia nen.
‘’Treinamentu ida ne’e fasilita hosi PLAN INTERNASIONAL ohin halao iha sede Suku Maubisse Kompostu hosi Aldeia Sanulu ne’ebe tamba ona iha Tarjeto ida ne’e hanesan parte ida hodi Promove komunidade sira iha uma hun ho situasaun serka Sanitaria ida ne’e. Tamba ne’e hanesan autoridade Lokal Apoia Trbes Programa ida ne’e hodi hein ninia implementasaun liu hosi apoia hirak ne’ebe maka ita nia Parseiru sira oferese’’.
Entertanto Formasaun ida ne’e sei halao loron rua iha sede Suku Maubisse Villa hahu Segunda Semana ne’e. No Fasilita hosi Ekipa Plan Internasional.
Jornalista Augusto Alves de Carvalho
Editor Joawuim de Fatima Coutnho
