Surumutuk ida ne’e halao ho objetivu atu fahe informasaun, kona ba governo nia planu atu hari uma ba kbit laek sira.
Ligadu ho surumutuk ne ba Jornalista radio komunidade Maubisse Mau-Loko Diretur Programa Nasional Dezemvolvementu Suku (PNDS) Munisipiu Ainaro Filomino Seijas Pintu hateten, surumutuk ida ne halao hodi fahe informasaun kona ba planu governo nian nebe atu harii uma ba kbit laek sira.
Alende ne Diretor ne nia parte husu ba autoridade suku no komunidade sira iha Munisispiu Ainaro atu bele servisu hamutuk nune bele fo benefisiu ba komunidade .
Xefe Suku Liurai Antonio da Graca nia parte relata, planu estadu atu hari uma ba kbit laek sira iha suku liu rai nebe ho cehfe famila hamutuk Lima Nolu resin ne’en (56) maibe preoridade liu ba uma kain tolu kada uma kain ida ho osan montante dolar amerikanu Catorge Miil to 17 mil, nebe maka sei hari uluk uma kain tolu iha aldaia Beretai,. Alende nee nia parte relata ba Jornalista Radio Komunidade Maubisse Mauloko, estrada ligasaun ba suku liu rai iha tina hirak liu ba hadia hela maibe tamba ateru ho rai, tempu udan komunidade sira labele asesu.
Ligadu ho ida nee nia parte hatutan tan katak iha Suku Liu Rai potensia mos ba iha fatin turismo,maibe dalan mak la diak atu turista sira asesu ba fatin turismu sira, alende ida nee nia parte husu ba iha parte guvernu atu hadia dalan neebe mak liga ba iha fatin turismu nian.
Jornalista Augusto Alves de Carvalho
Editor Moises da Silva Magno
