Xefe Do Suku Maulau Alerta Ba Komunidade Suku Maulau Atu La Bele Hela Ou Halo Uma Iha Fatin Ne’ebe Maka Risku Ba Iha Dejastre Naturais.
Lia hirak ne’e hato hosi xefe do Suku Maulau Domingos Mendonca, hafoin de Oferese Nesacidades bajiku ba familia Vitima sira iha Aldeia Tarabula Suku Maulau kuarta foin lalais ne’e hosi Konsellu Veteranos Municipio Ainaro.
“Hau nia mensajem ba liliu ba komunidade Suku Maulau liliu ba sira ne’ebe maka hetan ona afetadu ba dejastre husu la bele hela iha fatin sira ne’ebe mak hanesan Rai Monu, la bele hela iha Foho Lolon sira mos la bele hela. Iha fatin sira ne’ebe mak ita dehan katak risku tenke buka fatin ne’ebe mak seguru hodi halo uma hodi hela nune’e bele salva ita nia vida.”
Xefe do Suku Mos husu nafatin ba iha Komunidade Suku Maulau atu labele hela iha fatin ne’ebe fo risku hanesan Rai monu,foho lolon Inklui, mota Nini sira, basa ida ne’e konsidera hanesan risku ba iha dezastre naturais iha futuru oin mai.
Jornalista Junior Villa
Editor Moises da Silva Magno
