Udan No Anin Nebe Akontese Iha Inisiu Fulan Abril Foin Lalais Ne Husik Hela Tristeza Bot Ba Familia Fransisco Mendoca Ho Nia Fen Kaben Domingas Da Silva Ho Oan Nain Lima Iha Sarabere, Aldeia Rita Suku Malau Postu Administrativu Maubisse
Udan no anin nebe akontese iha inisiu fulan Abril foin lalais ne husik hela tristeza bot ida ba familia Fransisco Mendoca ho nia fen kaben Domingas da Silva no oan nain lima, tamba ne’e atu salva vida hosi insendu dezastre ne’e Tenki evagua ba iha familia vizinhu hodi satan netik hosi udan anin no mos lororn nia manas. Basa uma nebe Fransisco ho nia familia horik ba hetan estragus husi udan no anin nebe akontese iha inisiu fulan Abril.
Iha loron hitu fulan abril foin lalais ne wainhira jornalista radio komunidade Maubisse Mauloko habesik an hodi halao intervista ho komunidade kbit laek Fransisco Mendonca hisik nia mata wen hodi haktuir nune’e.
“Agradese ba iha ita bo’ot sir abele hitan to mai iha Ami nia fatin, laiha buat tamba atan oan ami hodi ohin loron Ano sira hakat an to mai iha ami nia fatin. Ami ne’e Susar Tebes. Iha Momentu Akontesementu ne’e Sorti hau nia tuin ida ne’e maka hari hela ami nia uma dodok ne’e ne’e baa mi hodi hela, Ne’ebe agora dadauk ne’e ami Penginsi hela iha uma leten ne’eba.”
Ho mata wen deit maka bele responde ho sentiment tristrza ne’ebe maka klean tebes hodi haktuir mos nu’une, Sasan sira iha uma laran hanesan sasan dapur nian konsegue salva hotu no balun hetan estragus, no la iha aihan ruma mak iha uma laran.
“Tasu deit maka rahun be ami soe tia, ami hahan deit mos laiha osan iha ne’ebe maka atu hola fali buat hirak ne’e durante ne’e Vijinhu sira maka fo hahan mai Ami, Karik laiha ami han deit kontas, talas frhuk oan sira. Hanesan ne’e oan, no ami nia kbit maka hensan ona ami halo tos maibe batar kuda ba laiha, ami iha uma ne’e hamutuk ami nain Lima no lor-loron ami han maka kontas aifarina no fehuk.”
Domingas da silva hanesan fen kaben husi Frasisco Mendonca haktuir nia parte mos senti triste tamba uma nebe ho famila horik ba hetan estragus hosi Dezastre e ate ohin loron la iha aihan ruma atu konsumu.
“Ami senti hanesan ami tristi ami nia uma dodok hahan laiha no osan mos laiha Ami nia moris maka hensan ne’e ona. Ami husu ba Governo osan lori hadi fila fali ami nia uma hodi hela fila fali.”
Fatin hanesan Vijinu husi Fransico, ne’ebe maka Oferese mos fatin Mahon ba familia Francisco hodi satan netik hosi udan no anin,Americo mos haktuir iha akontesimentu nebe akontese iha iha inisiu fulan Abril foin lalais ne hodi resulta ba uma rua ne hetan estragus,Maske Autoridade suku foti ona dadus maibe to oras ne seidauk hetan apoiu ruma.
Alende ne Americo Soares haktuir to oras ne Fransico ho nia familia hela hamutuk ho Vjinu sira nia uma hodi buka moris no hein estadu nia tulun. Tamba ne nia parte husu ba estadu atu atu tau matan ba familia nebe sofre ba dezastre naturais no kbit laek sira.
Liga ho ida ne’e mos antes ne’e Xefe Aldeia Rita Francisco Soares Tomas Relata total familia Vitima ba Dejastre Naturais iha Aldeia Rita hamutuk Sanolu resin ha’at (14) ne’ebe to agora sidauk hetan Apoiu ruma, Maske dadus submete ona ba iha Parte Kompetente.
Entertantu familia fransisco ho nia fen kaben no oan to oras ne hela deit ho nia tiun sira, tamba uma nebe familia frasico horik ba hetan estragus total husi udan no anin nebe bot iha inisiu fulan abril ne’e.
Depois de noticias ne’e fo sai hetan kedas apoiu husi parte hotu, liu liu gobernu local, ONG, Grupo inklui individual balun, husi rai liu no rai laran.
Jornalista Augusto Alves de Carvalho ho Terezinha Mendonca
Editor Moises da Silva Magno
