by

Estudante Atus Ida Ha’at Nolu Resin Sia (149) Iha EBC Grotu Maubisse, Tuir Ezame Premerio Periodu

Estudante Atus Ida Ha’at Nolu Resin Sia (149) Iha Eskola Encino Bacico Central Grotu Participa Iha Ezame Primeiro Periodo, Nain Rua Maka La Partcipa Ezame.

Ba jornalista Radio Komunidade Maubisse Mauloko Directur Eskola EBC Grotu Martino Maria Sarmento iha nia Knar fatin Segunda ne’e hateten, loron 17 fulan Maio hahu ona halo ijame ba Premeiro Priodu nian Bajeia ba iha Sirkular ne’enbe maka mai hosi Ministerio Edukasaun Liu hosi Diresaun Municipio Ainaro. Alende ida ne’e mo’os iha Eskola EBC Grotu estudante Nain rua maka la tuir Ijame hosi Total Estudante Atus ida Ha’at Nolu Resin Sia (149).

“Ekola EBC Grotu hahu reativa hikas iha loron 17 Fulan Maio Tinan ida ne’e hodi hahu kedan ho ijame ba Premeiro Periodu nian, bajeia ba Sirkular ne’ebe Konsellu Ministru halo enkontru iha dia 12 Fulan tinan 2021. Atraves ho ida ne’e ami simu Sirkular ne’e liu hosi Online ne’ebe mai hosi Directur Edukasaun Municipio Ainaro. Ami nia Alunos iha EBC ida ne’e hamutuk Sentu e Quarenta Nove ho Numeru ne’e nai rua maka la Partisipa iha ijame.”

Sarmentu kuntinua hateten ho Estudante nain rua ne’ebe maka la Tuir ijame, hosi Eskola sei fo hikas ijame iha loron hirak tuir mai, bajeia ba Situasaun actual.

Biban ida ne’e Etudante Nivia Maria dos Reis senti Orgolho tamba eskola reativa hikas hosi Governo liu hosi Ministeriu Edukasaun.

“Hau senti kontenti tamba ohin ami bele eskola hikas no mos tuir ona ijame. Obrigado ba Governo liu hosi Ministeriu Edukasaun”.

Lian hanesan hato mos hosi Estudante Jelia da Conceicao, Tuir Jelia hateten nia parte Agradese ba Ministeriu Edukasaun tamba reativa hikas sira nia Eskola hodi Tuir Mos ijame Premerio Priodu nian ba tinan ida ne’e , iha Eskola EBC Grotu Postu Administrativo Maubisse Municipio Ainaro.

“Hau senti kontenti kontenti tamba ohin ami tuir ijame, ami bele eskola fali ne’ebe ami agradese ba Ministeriu Edukasaun tamba bele reativa hikas ami nia eskola. Ohin Ami tuir ijame ba Materia Matematika no Desportu Ami senti fasil tamba durante ami iha uma ami mo’os Estuda hela”.

Entertanto Aktividade ijame hanesan halao mos iha Eskola EBC Flecha Suku Aituto Postu Administrativo Maubisse.

Ba jornalista Radio Komunidade Maubisse Mauloko Directur Eskola EBC Flecha Jorse Mendonca hateten, antes ne’e manorin nain  hamutuk do dertiva eskola Preparado ona hodi fo ijame ba iha Estudante sira, iha Eskola EBC Flecha Suku Aituto.

“Tuir lolos ne’e ami nia eskola ne’e hahu iha dia doze tamba serka sanitaria maka ami la eskola ida. Tuir lolos ne’e ijame Premeiro pereiodu ida ne’e hahu iha fulan Abril, Maibe tamba serka sanitaria no Estado Emerjenjia Tamba ne’e ohin loron 17 fulan Maio ami kuntinua hikas fo hikas ijame ba labarik sira, Kona ba Materia sira antes ne’e ami prepara tia ona.”

Entertanto Aktividade ijame hanesan laos deit halao iha Central maibe halao mos iha eskola Filiais sira.

Jornalista Augusto Alves

Editor Moises Magno

Comment