by

Lansamentu Ba Distribuisaun Apoiu Emerjenjia Ba Komunidade Afetado Dezastre Naturais Iha Postu Administrativo Maubisse

Lansamentu Ba Distribuisaun Apoiu Emerjenjia Ba Komunidade Afetado Dezastre Naturais Ne’ebe Maka Akontese Iha Inisiu Fulan Abril Ne’e, Iha Postu Administrativo Maubisse Municipio Ainaro Kuarta Foin Lalais Ne’e.

Lansamentu ida ne’e halao iha Suku Edi Ne’ebe maka akumula hotu Komunidade afeitado Dezastre Naturais hosi Suku rua maka hanesan Suku Edi no Suku Maula, ho Lansamentu ida ne’e rasik hodi distribui mos Matreal Konstrusaun uma nian ba Kazal Francisco Mendonca ne’ebe nia uma rasik hetan Estragus hosi Dezastre, ne’ebe maka hetan Apoiu Balarat Australia Liu hosi Administrasaun Municipio Ainaro.

Distribuisaun ba Apoiu emerjenjia ida ne’e lansa direita hosi Administrador Municipio Ainaro, Adjunta Administrador, Autoridade Postu Administrativo Maubisse,hamutuk ho Parseiro Dezemvolvementu sira hanesan Cruz Vermalha de Timor Leste Municipio Ainaro, BNCTL, no Mrecy Coprs.

Iha biban ida ne’e Xefe do Suku Maulau Domingos Mendonca nia parte hateten lori Komunidade Suku Maulau no Suku Edi nia naran hato Agradesementu ba Administrador Municipio Ainaro ho ekipa Inklui Parseriu sira ne’ebe maka servisu hamutuk hodi Distribui sasan Emerjenjia nian ba iha vitimas afeitado dezastre Naturais ba Suku rua maka hanesan Suku Maulau no Suku Edi Postu Administrativo Maubisse.

“Bajeia ba dadus hirak  ne’ebe maka iha fulan kotuk liu ba ekipa hosi Minicipio Ainaro nian mai halo Verifikasaun, tamba ne’e maka ohin ita bele realija Programa Apoiu emerjenjia ba vitima dezastre Naturais nian iha suku rua ne’e. Tamba hau lori vitima dezastre Naturais hosi suku rua nia naran hato agradese no obrigado wain ba Administrador Municipio Ainaro hamutuk ho Parseiru sira”.

Iha fatin hanesan mo’os Ofesial Governo Lokal Postu Administrativo Maubisse Claudino Mendonca, iha lansamentu ne’ebe maka halao dadaun ne’e iha area Suku Edi hodi  Responde ba Vitima dezastres Naturais iha suku Edi Ruanolu (20), Suku Maulau Ha’at Nolu resin Ha’at(44), Inklui Suku Maubisse Villa Ruanolu(20).

Alende ida ne’e mos Adjunta Administrador Municipio Ainaro Aguida Judit Mendonca hateten mos ba iha Komunidade afeitado sira Kona ba Apoi ne’ebe maka Oferese Hosi Sidade Amigo Balarat Australia ba iha Familia Kbi’it laek ne’ebe maka hetan Dezastre, no sira Laiha Kbi’it no forsa hodi konstoi hikas Sira nia uma,  Tamba ne’e Balarat Australia nia Apoiu maka hanesan Matreal Konstrusaun ba uma osan Maun de Obra no Ai nian hamutuk ho Aihan. Apoiu ida ne’e rasik oferese ba Familia Kbi’it Laek Francisco Mendonca iha Aldeia Rita Suku Maulau, ida iha Suku Casa Postu Administrativo Ainaro Villa, no ida Seluk iha Suku Leo-Lima Postu Administrativo Hato-Udo.

“Maluk sira hosi Australia Sidade Amiga Balarat fo Apoiu ba iha Vitimas Sira iha parte Konstrusaun ba uma kain tolu ne’ebe maka ami identifika tia ona, maka hanesan Sr. Francisco ho Tia Domingsd iha Suku Maulau, ida iha suku Casa Postu Ainaro, no ida seluk fali iha Suku Leo-Lima Postu Hato-Udo. Apoiu ne’ebe maka oferese hosi Sidade Amiga Balarat Australia maka hanesan Matreal ba Konstrusaun ba uma nian osan ba ai nian no mo’os sakas atus ida(100) ba iha familia Vitima ne’ebe maka mensiona ne’e”.

Iha  momentu  ida ne’e mo’os  antes atu halo lansamentu ba iha Distribuisaun ida ne’e iha Area Suku Edi nian Administrador Municipio Ainaro Leovigildo Amaral Pereira Husu ba iha Xefe do Suku no xefe Aldeia Sira Atu buka tuir familia Kbi’it laek sira ne’ebe maka moris kiak tebes, no relata dadus ba iha Municipio nu’une bele hetan Apoiu ruma hodi hakman netik sira nia sofrementu sira. Alende ida ne’e mos Administrador Municipio ne’e agradese mos Parseiro sira ne’ebe maka servisu hamutuk ona hodi realija Programa distribuisaun ida ne’e ba famila Afeitado Dezastre Naturais iha Postu Administrativo Maubisse.

“Ita tenki buka ita nia bibi sira hela iha ne’ebe? tenki buka tuir oinsa maka ita atu tau matan ba sira liu hosi servisu ita nian, hau hato mos agradesementu ba Parseiru sira ne’ebe maka durante ne’e servisu hamutuk ho Governo. Maibe sekarik iha future mai ita nia komunidade sira moris iha susar no terus hau husu xefe suku no xefe aldeia sira atu tau matan ba sira, tamba ne’e hau hanesan Administrador Municipio hau hakarak habesik an liu ba komunidade sira ida ne’e maka hau nia promesa wainhira simu tomada de pose”.

Entertanto Administrador Municipio ne’e Mo’os Agradese ba Jornalista Radio Komunidade Maubisse Mauloko ne’ebe maka Publika ona Sofrementu Kazal Francisco Mendonca ne’ebe maka hetan Atensaun makas hosi Estado.

Jornalista Teresa Mendonca

Editor Moises da Silva Magno

Comment