by

Plan Internasional Distribui Matreias Dapur Nian Ba Iha Komunidade Afeitado Dezastre Naturais Iha Suku Maubisse Villa

Plan Internasional Distribui Matreias Dapur Nian Ba Iha Komunidade Afeitado Dezastre Naturais Iha Suku Maubisse Villa Kuarta Loron 12 Fulan Maio Tinan 2021

Apoiu hirak ne kompostu husi sasan dapur nian hanesan balde sana bikal inkui mos biti no sira seluk tan, sasan hirak ne distribui  iha sede suku maubisse villa ba komunidade afetadu dezastre naturais  no mos ba komunidade sira nebe mak kbi’it laek liu.

Relasiona ho distribuisaun ne iha abertura Diretor Plan Munisipiu Ainaro Valentin Espainola hateten  apoiu hirak nebe oerese ba komunidade afetadu dezastre naturais sira, tamba plan servisu hamutuk ho Starfun no Secretario Estadu Protesaun Sivil iha Nivel Nasional.

“Sasan ne’ebe maka ami lori mai iha ne’e, hetan Apoiu hosi Starfun ne’ebe maka servisu hamutuk ho Plan Internasional e Plan Internasional mo’os servisu hamutuk Secretario Estado Protesaun sivil iha nivel Nasional nian, tamba ne’e ohin Plan hakarak mai iha ne’e hodi oferese apoiu ne’ebe maka ki’ik ba iha inan aman sira ligado ho akontesementu dezastre ne’ebe maka foin akontese iha Loron 3 no loron ha’at fulan Abril ne’ebe maka liu ona. Afeta mo’s ba komunidade lubuk ida iha Maubisse no mo’os suku Maulau liu-liu ba familia ne’ebe vulneravel liu tamba impaktu hosi inudasaun.”

Iha biban ne Diretora Sentru  Soliedadriadade Social Munispiu Ainaro Natersia de Jesus Cesar nia parte agradese ba plan tamba bele  tulun governo liu husi Centru Soliedariedade Social Munisipiu Ainaro hodi tau matan ba komunidade afetadu sira.

Apoiu ne’e oferese tamba  Plan Internasional   kopera  ho  Sentru solidadriedade Social Munisipiu Ainaro hodi fo tulun komunidade afetadu sira iha suku maubisse villa.

Iha fatin hanesan  xefe suku Maubisse Villa Wilson Nivio Mendonca nia parte agradese ba parseiru sira liliu ba Plan tamba bele tulun ona komunidade sira iha situsaun difisil nia laran.

“Iha situasaun difisil ida ne’e ne’ebe maka afeita direita ba iha Komunidade nia moris Plan mo’os la taka matan, tamba ne’e ami agradese no liu hosi  ida ne’e ita  bele responde dadauk ba iha ita nia komunidade ne’ebe maka presija tebes”.

Entertanto Distribuisaun ida ne Halao iha sede suku Maubisse villa ba komunidade afetadu sira no apoiu ida ne oferese ba familia vitima dezastre  hamutuk  uma kain atus nen ruanulu (620) nebe  kompostu husi Kapital Dili, no Munisipiu Aileu Inklui Munisipiu Ainaro.

Jornalista Augusto Alves

Editor Moises da Silva Magno

Comment