by

Vitima Dezastre Naturais Suku Edi Nian Hamutuk Uma Kain Ruanolu (20) Hetan Ona Apoiu Emergensia

Vitima Dezastre Naturais Suku Edi Nian Hamutuk Uma Kain Rua nolu (20) Hetan Ona Apoiu Emerjenjia Hosi Estado Liu Hosi Administrasaun Municipio Ainaro.

Tuir xefe do Suku Edi Julio Mendonca ba Jornalista Radio Komunidade Maubisse Mauloko Hateten, iha suku Edi rasik Kompostu Hosi Aldeia Ne’en, dadus ne’ebe maka hatama ba iha Municipio Ainaro hamutuk Ne’en Nolu Resin rua (62) Maibe tuir dadus Verifikasaun ne’ebe maka halao hosi Ekipa sira mai hosi Municipio Uma kain Rua Nolu maka Hetan ona Apoiu emerjenjia.

“Tuir dadus ne’ebe maka foti ba komunidade sira ne’ebe maka afeita ba dezastre iha dia Quatro de Abril  hamutuk Enam Puluh dua(62) uma kain, maibe ita husu ekipa verifikasaun tun mai halo verifikasaun suku Edi uma kain rua nolu (20) maka hetan Apoiu emerjenjia ba loron ohin nian”.

Iha Biban ida ne’e mos Administrador Municipio Ainaro Leovigildo Amaral Pereira ba Jornalista Radio Komunidade Maubisse Mauloko Esklarese liu tan katak, Apoiu ida ne’e rasik oferese hosi Governo Liu Administrasaun Municipio Ainaro, hamutuk ho Parseiru sira maka hanesan Crus Vermalaha de Timor Leste Brans Ainaro, Banco Nasional de Comercio Timor Leste BNCTL, no Mercy Corps, Inklui Sidade Amiga Balarat Australia.

“Hau ho ekipa mai iha ne’e atu halo distribuisaun ne’ebe apoiu hosi ita nia duadores sira, no mos ita nia Paresiru dezemvolvementu, no mos Apoiu itoan hosi Administrasaun Municipio liu hosi dezastre naturais nian. No mos Apoiu itoan hosi ita nia Sidade Amiga Balarat ne’ebe fo apoiu kalen besi no simente no osan itoan ba familia ne’ebe maka nia uma hetan estragus hosi anin”.

Entertanto Apoiu emerjenjia ne’ebe maka familia vitimas sira hetan ona   kompostu hosi Fos no sasan nesasidades bajiku sira Seluk.

Jornalista Augusto Alves

Editor Moises da Silva Magno

Comment