Komputadores iha eEskola EBC 7 de Dezembro Bermoli Maulau, EBC Rita no EBC Grotu Maubisse At Hodi Difikulta Servisu Administrasaun Iha Eskola.

Tuir directur da eskola EBC Bermoli Maulau Pedro Salsinha hateten Komputadores hirak ne’e nia durasaun tinan sanolu ona, to ohin loron laiha Manutensaun.

“Ami rekomenda ba Ministeriu ami nia komputadores sira ne’e tinan sanou ona, ne’ebe ami sujere ba Ministereu laos agora bele halo planu didiak ba kada Pereiodu bele fo netik Komputadores atu nune’e bele fasilita ami nia servisu Administrasaun iha Eskola.”

Direktur Eskola ne’e kuntinua hateten husu ba Ministriu Edukasaun atu toma konsiderasaun ba iha Prokupasaun hirak ne’e, tamba tuir Dirijente eskola ne’e hateten laos Kumputadores sira deit maka at maibe Printer mo’os at hotu ona.

Alende ida ne’e mo’os, tuir Directur Eskola EBC Grotu Martino Maria Sarmento Segunda lron 17 fulan Maio ne’e hateten, Komputadores hirak ne’e  Simu iha tinan 2011 ba Estabelesemento eskola EBC Sira hotu iha Timor Laran tomak, no eskola EBC Grotu rasik hetan Komputador tolu ne’ebe to ohin loron Avaria total tamba iha Eskola  laiha ema IT ida hodi halo Manutensaun.

“Komputador at hotuona komputador hirak ne’e ami Simu iha 2011 to ohin loron avaria, sebele karik edukasaun Liu hosi edukasaun Municipio bele tau mo’os atensaun ba buat hirak ne’e.”

Tamba ne’e Diretiva eskola ne’e nafatin Ijiji ba Parte Ministeriu edukasaun Atu halo renovasaun ba iha Konputadores sira, hodi Fasilta servisu Administrasaun iha Eskola.

Prokupasaun hanesan hato mo’os hosi Directur da Eskola EBC 1,2,3 Rita Domingos Martins Sabado loron 22 fulan Maio foin lalais ne’e, tuir direjente Eskola ne’e hateten ho kondisaun ne’e difikulta tebes servisu Administrasaun iha Eskola no durante ne’e atu halo relatorio Obriga tenki ba halo iha rental iha MaubisseVilla laos ne’e deit maibe  elabora mo’os  Pontus ba iha Estudante sira.

“Komputadores ne’ebe maka ami simu iha Eskola ne’e  Kompotador tolu ho Printer maibe at hotu ona tamba ami  la iha Tekniku ida atu hadia.”

Tamba ne’e Rekomenda ba Governo Liu hosi Orsamentu Jeral do Estado ba Tinan ne’e bele konsidera netik Prokupasaun hirak ne’e, hodi Troka ho komputador Foun nune’e bele fasilita Servisu Administrasaun iha eskola nune’e mo’os bele elabora Pontus ba iha estudante sira.

Jornalista Teresa Mendonca

Editor Moises Magno