by

Vice Ministra Turismu Komunitariu: Papel The Asia Fundation Foti Deit Dadus Ba Sitiu Turistika Sira, Inklui Postu Administrativo Maubisse

Vice Ministra Turismu Komunitariu: Papel The Asia Fundation Foti Deit Dadus Ba Sitiu Turistika Sira, Inklui Postu Administrativo Maubisse.

Lia hirak ne’e hato hosi Vise Ministra Turizmu Komunitaria no Kultura Inacia da Conçeicão ne’ebe maka antes ne’e mo’os servisu iha The Asia Fundation TAF, liga ho prokupasaun ne’ebe maka hato hosi Jestor Warda Dezemvolvementu Turizmu Maubisse Mauloko Joaquim de Fatima Coutinho   relasiona ho dezemvolve seitor Turizmu iha Maubisse ne’ebe maka finansia hosi Governo Nova Zelandia ho Montante osan  Miliaun Lima Dolar Nova Zelandia ba Dezemvolvemento Seitor Turizmu iha Municipio Aileu no Ainaro iha Postu Administrativo Maubisse ne’ebe  Implementa hosi The Asia Fundation,  to ohin loron seidauk seidauk bele implementa  maske enkontru sira halao bebeik ona.

 “Atu espelika tan deit katak bainhira hau servisu  iha  Asia Fundation sira nia spesialidade ne’e laos iha nivel tekniku pratika ninian sira ne’e barak iha dadus. Tamba Ohin Koordenador ba iha Warda hateten  sira mai foti dadus no dadus,  sim sira nia papel ne’e ba dadus duni, mas atu foti dadus ida ne’e atu transforma fali ba aktividades hau senti sira la iha rekursu iha neba ida. Tamba ida ne’e maka halo fali impedementu ba programa ne’ebe maka halao ba Municipio Aileu no Maubisse.”

Entertanto tuir plano Governo Liu hosi Gabinete Vise Ministra Turizmu Komunitaria no Kultura ba tinan oin sei halo mo’os Proposta ba Embaizda Nova Zelandia nian atu fasilita formasaun ba Ekipa Warda Maubisse, tamba iha koperasaun ho Governo ba formasaun liga liu ba lian ingles ba iha Turgait sira.

Jornalista Teresa Mendonca

Editor Moises Magno

Comment