by

Uma kain 440 Iha Suku Nunumogue Senti Triste Tamba Seidauk Hetan Roman Husi Eletrisidade

Uma kain 440  Iha Suku Nunumogue Senti Triste Tamba Seidauk Hetan Roman Husi Eletrisidade.

Prkupasaun ne’e hato hosi Konsellu Juventude Postu Administrativo Hatobuilico Elias Pereira Xavier Cardosu. Tuir Xavier hateten Suku Nunumoge kompostu hosi Aldeia walu aldeia ha’at iha iha Parte leten  asesu ona ba ba roman eletrisidade maibe aldeia ha’at seluk iha koredor Estrada Nasional maka seidauk asesu ba roman eletrisidade.

“Iha Suku Nunumoge ne’e iha aldeia ha’at iha Parte karaik maka la asesu total inklui mo’os Leotelu 2. Ne’ebe maka diresaun Protokolu Nasional hanesan hosi Dili mai Ainaro agora husi Suku Mulo nian lakan husi Suku Manutaci nian lakan maibe ida iha klaran ne’e la lakan. Agora ne’e Preguntas Aldeia ha’at ne’e Partense hotu ba Nasaun Timor ne’e ka lae? Hau hanoin ida ne’e Politika ida ne’ebe maka halo diskriminasau ba Povu sira, ita halo diskriminasaun ba dezemvolvementu la bele balun maka senti naroman e balun la senti naroman. Ita nia Nasaun ne’e Nasaun Soberano ona ema hotu tenki idepedente. Ita nia filosofia ba ukun an ne’e  dehan katak Libertasaun Patria Libertasaun Povu. Agora Nasaun mo’os Livre tia ona mo’os Povu sei hela nafatin iha nakukun ne’e Kuitado. I Poir liu tan maka ema hosi Postu Administrativo ne’e sofre iha Levantamentu 1982 ne’ebe maka fakar ba iha Builico ne’ebe ohin loron sai kuinesidu ho naran Jakarta 2. Ne’ebe Rekomenda ba iha Ministeru Relevante Liu-liu Obras Publik atu hare Kompanhia sira ne’e husu atu kontinua sira nia servisu se la kontinua diak liu EDTL maka halo intervensaun deit tamba ita senti ida ne’e la mentavel tebes hosi ita povu ki’ik. Hateten Juventude ne’e ba Jornalista Racom Maubisse 03/06.2021.

Tamba ne’e hanesan Juventude senti Prokupa tebes tamba Kompanhia abadona servisu  maske instalasaun lao ona maibe to ohin loron ahi seidauk lakan.

Prokupasaun hanesan hato mo’os hosi xefe Aldeia Hatu-Serque Alfredo do Carmo Araujo. Tuir Xefe aldeia ne’e katak  Komunidade sira oferese ona sira ahoris tamba deit hakarak Asesu ba iha roman eletrisidade maibe to ohin loron komunidade hein hela promote ba promote la dauk realija Promesa hirak ne’e.

“Komunidade oferese tia hotu sira nia Aihoris,  buat ne’e agora kompanhia ida tama mai kaer riba hela, ida tama tan mai dehan Promete loron katak 62 hari ahi lakan ona.Agora ami nia hakark ne’e maka ne’e se kompanhia sira la mampu ona la bele kaer fo ba ema seluk ou fo  ba ema sira riku maka ker kiak la be’e kaer, I se la mampu fo ba EDTL maka kaer deit ona”. Hateten Xefe Aldeia Hatserque ba Jornalista Rakom Maubisse 03/06/2021.

Tamba ne’e xefe aldeia ne’e husu ba Governo atu toma netik konsiderasaun ba Prokupasaun komunidade sira iha baje liga liu ba Roman Eletrisidade Tamba to ohin loron ahi seidauk lakan. Ho ida ne’e Autoridade komunitario ne’e konsideira Ukunan ne’e so sira ne’ebe maka hela iha Sidade Komunidade sira iha foho la dauk senti ukun rasik an.

Uma kain Atus ha’at ha’at nolu (440) ne’e  Kompostu hosi Aledia Hato-Sereque hitu nolu resin ha’at (74), Tucaro atus ida lima nolu resin ha’at (154),Nunu-Mogelau atus ida nen nolu (160) no Aldeia Lebulau Lima nolu resin rua (52).

Kompanhia ne’ebe maka kaer obra ne’e maka Kompanhia Simauhei Unip.Lda Suportador maka Kompanhia Devita Unip.Lda no Kompnahia Terolau nia Suprtador maka Omega Unip.Lda.

Entrtanto to’o Noticia ne’e hatun Jornalista Radio Komunidade Maubisse Mauloko seidauk halo konfirmasaun ho Parte kompanhia ne’ebe maka toma konta ba iha Obra ida ne’e iha Suku Nunumoge Postu Administrativo Hatobuilico Municipio Ainaro.

Jornalista         : Tereza Mendonca

Editor              :Moises da Silva Magno

Comment