by

Juventude Suco Nunumogue, Dare, Mauchiga Hamutuk ho Juventude Balun Husi PA Maubisse Vizita Be’e Tudak “KAHAE” iha Suku Nunumoge Hatobuilico

Juventude Suco Nunumogue, Dare, Mauchiga Hamutuk ho Juventude Balun Husi PA Maubisse Vizita Be’e Tudak “KAHAE” iha Suku Nunumoge Hatobuilico.

Ligado ho ida ne’e iha loron 03 Fulan Junho ne’e Ekipa Radio Komunidade Maubisse Mauloko to’o direita ba iha fatin Turizmu refere ne’ebe ho naran ‘KAHAE’ hamutuk ho Grupu Juventude sira. Ho ida ne’e ba Jornalista Radio Komunidade Maubisse Mauloko Konsellu Juventude Postu Administrativo Hatobuilico Elias Pereira Xavier Cardosu  hateten ida ne’e hanesan Fatin Turizmu foun ne’ebe maka durante ne’e la dauk deskobre.

“Ohin ita nia Objetivo mai iha ne’e atu halo esplorasaun ba iha fatin Turizmu ne’ebe maka durante ne’e ita la deskobre ita hanoin katak fatin Turizmu maka ‘DOKOMALI’ deit hanesan Air terjung ou be’e tudak ne’ebe maka iha, afinal sei iha tan fatin seluk ne’ebe maka ita seidauk deskobre, ne’ebe hau hanoin Fatin ne’ebe maka ohin ita deskobre dadaun ne’e hanesan pasu diak ida hodi promove liu tan.” Hateten Konsellu Juventude Elias iha Be’e tudak “KAHAE’ 03/06/2021

Elias kuntinua deahn, Fatin be tudak ne’e ejisti iha Suku Nunumoge nia Areia no sei iha tan fatin seluk ne’ebe maka seidauk deskobre.

Tuir xefe Aldeia Hato-Serque Alfredo do Carmo Araujo hateten Fatin Turizmu be’e tudak iha Suku Nunumoge laos ne’ee deit maibe sei iha tan fatin seluk ne’ebe maka furak liu tan maibe la dauk deskobre.

“Iha Parte be’e Tiris Tirizmu iha Suku Nunumoge ne’e iha fatin barak Laos ida ne’e deit, hanesan fatin ida ne’ebe foin lalais ne’e ami ba hare ona iha balija suku Nunumoge ho Suku Manutaci nian. Maibe ba fali leten ne’eba ami seidauk ba ne’ebe ita bo’ot sira bele hakat direita ba ne’eba hodi hare ho Matan.”Haktuir Xefe Aldeia 03/06/2021

Alende ida ne’e mo’os hanesan Vizitantes hosi Suku Mau-Chiga Estavão de Araujo hanesan Vizitantes da huluk ba Fatin Turizmu We’e Tudak ‘KAHAE’hateten.

“Hau husi Suku Mau-Chiga hanesan Vizitantes ba be’e tuda ne’ebe ohin ita ba, hau pesoal ohin hare ho matan iha ne’eba iha be’e tuda rua ne’ebe maka as tebes.  Ne’ebe hau kontenti tebes  ba oin hau sei ba nafatin tamba fatin ida ohin ne’e ita dehan fatin ne’ebe maka Tristiku tebes”. Hateten Estavão ba Jornalista 03/06/2021.

Tamba ne’e Vizitantes ne’e husu ba iha Governo MTCI  atu iha Plano ne’ebe diak hodi kuntinua  dezemvolve diak liu tan basa dalan asesu ba iha fatin be tudak ne’e grave tebes, laos atu loke Estrada foun maibe bele hadia netik dalan ba iha neba nu’une’e bele fasilita Vizitantes vizita ba iha fatin ida ne’e. Tamba tuir Vizitantes ne’e hateten liu hosi Dezemvolvementu fatin Turizmu sira bele mo’os hatama Resitas ba Estado.

Jornalista         : Tereza Mendonca

Editor              : Moises da Silva Magno

Comment