by

Laiha Rede Internet difikulta Estudante sira ne’ebe Halao Eskola Online

Laiha Rede Internet difikulta Estudante sira ne’ebe Eskola Online no Eskola ba uma.

Prokupasaun ne’e hato’o hosi Reprejentante Administrador Postu Administrativo Ainaro Villa Adriano da Cunha Freitas Liu hosi Enkontru ne’ebe maka halao ho Forun ONG Timor Leste foin dadaun ne’e iha Salaun Administrasaun Municipio Ainaro Segunda Feira ne’e. Tuir reprejentante Autoridade Postu ne’e hateten.

“Kona ba eskola Online ne’e difikuldade bo’ot tebes ba estudante sira ida ne’ebe sira  hasoru direita ho professor no Professora sira la hanesan fali ho ida ne’ebe sira eskola online. Agora ida sira eskola online iha uma ne’e sira nia difikuldade hasoru bo’ot tebes maka laiha rede Intrenet, iha balu inan aman iha Ekonomia Mendukun itoan sira bele utilija telefoni ne’ebe maka diak ba asesu internet ho diak mas ida ne’ebe maka kaer telfoni tombol $12 dolar nian ne’e oinsa sira bele asesu ba iha eskola online ne’e.” Hateten Adriano 07/06/2021.

Ligado ho Prokupasaun hanesan tuir Xefe do suku Maubisse Villa Wilson Nivio Mrndonca nia Parte husu Ba Governo Ministeriu relevante atu hare no no hadia Prokupasaun hirak ne’e tamba komunidade no estudante balun seidauk iha Koinesementu ba Utilizasaun Sistema dizitalizasaun.

“ Konkorda ho Reprejentante Adminisrador Postu Ainaro dehan katak ita hare ba ema iha no ema ne’ebe menus durante ne’e ema ne’ebe iha maka Komprende kona ba utilizasaun Telfoni Android sira maka bele asesu ba eskola online, maibe sira ne’ebe situasaun Ekonomia menus ba iha osan entaun sira la bele asesu ba eskola online ne’e rasik, tamba ida ne’e rekomenda nafatin Ministeriu kompetente sira atu bele hare ba iha situasaun hirak ne’e.” Hatutan Xefe Suku Maubisse Villa 07/06/2021.

Ho situasaun Ekonomia difikulta tebes estudante sira la bele asesu ba Eskola online ho diak tamba ho Estado Emergensia Rendementu komunidade sira menus alende ne’e Produtu komunidade sira nian la bele lori asesu ba iha merkado hodi sosa Telfoni no Pulsa hodi fo’o ba oan sira hodi Asesu ba iha Eskola Online.

Jornalista  :Joaqim de Fatima Coutinho

Editor        : Moises da Silva Magno

Comment