by

Xefe Suku Mulo Hatobuilico, Jose Florindo Andrade dehan ema kiak nia oan la bele Asesu ba Eskola Online

Xefe Suku Mulo Hatobuilico, Jose Florindo Andrade dehan ema kiak nia oan la bele Asesu ba Eskola Online.

Assuntu ne’e hato’o hosi Xefe do Suku Mulo Postu Administrativo Hatobuilico Municipio Ainaro Segunda loron 07 fulan Junho ne’e iha Salaun Administrasaun Municipio Ainaro. Xefe do Suku hato lia hirak ne’e tamba tuir observasaun Autoridade Komunitario ne’e iha baje nota katak ema ne’ebe Kbi’it laek nia oan la bele asesu ba eskola online  tamba deit laiha osan hodi sosa telfoni ne’ebe diak no kualidade hodi Asesu ba Eskola Online.

“Oiline ne’e ba deit ema riku sira nia oan  tamba ema riku sira bele sosa telfoni diak ba sira nia oan, mas sira ne’ebe kbi’it laek  la bele sosa telfoni diak ba sira nia oan para atu bele oinline. Maske sira balun hakarak  Asesu ba eskola Online maibe ami nian ne’eba ne’e Jaringan Araska los.” Hateten Xefe do Suku Mulo 07/06/2021

Relasiona ho ida ne’e mo’os tuir Observasaun Centru Juventude Municipio Ainaro nota katak eskola Online laos deit difikulta ba Eskola Universiratio sira maibe Estudante nivel Encino Bacico no eskola Secundaria sira mo’os infrenta Problema ida ne’e liu hosi Eskola ba uma  hosi Telvisaun maibe komunidade sira ne’ebe maka laiha Telvisaun no linha Eletrisidade sira nia oan la bele asesu ba Eskola ba uma. Hateten Reprejentan Centru Juventude Municipio Ainaro Antonia da Costa Pereira.

“Prokupasaun sira durante E.E ida Premeiro halai ba Edukasaun iha ne’e Edukasaun durante E.E sai Problema bo’ot mai ami ohin maluk sira dehan ita hare deit ba Universidade maka hasoru Problema tamba sira la hatene uja teknologia. Maibe husi Ami Centru Juventude ami observa katak Encino Promaria, Pre Secundario, no Secundaria Mo’os hasoru Problema hanesan, tuir Politika Ministeriu edukasaun katak Eskola ba uma maibe Problema ne’ebe ita hare maka hanesan ita maluk Vulneravel ou Kbi’it sira laiha Telvisaun ne’e sira la bele asesu e kuitadu.” Kuntinua hateten Antonia 07/06/2021. 

Tamba ne’e xefe do Suku Mulo hateten husu ba Governo liga ba Ministeriu Relevante atu Normalija hika Prosesu de Apredizazen iha Eskola sira.

Ligado ho Prokupasaun hirak ne’e  Koordenador Avokasia Forum Ong Timor Leste Ivo Colimau Lay Costa hateten, Informasaun sira ne’ebe hato dadaun hosi Autoridade Lokal no Rede Sosidade Civil sira iha Municipio Ainaro  FONGTIL sei Inkamina ba iha Governo no fo Apoiu ba Governo  hodi resolve situasaun hirak ne’e.

“Ita hot-hotu tenki servisu buka informasaun ne’ebe ke adekuadu ita inkamina ba governo para apoiu Governo hodi  bele resolve Problema sira ne’e, tamba Problema ida ne’e laos Governo nian deit ne’e Timor Oan tomak nian. FONGTIL sai hanesan Paeseiru estratejiku ba  Governo talves FONGTIL koloka kritika balun ba iha Governo maibe FONGTIL mo’os la haluhan nia papel  balun ne’ebe  oferta mos Solusaun ba Governo atu bele resolve situasaun sira ne’e ida ne’e maka FONGTIL nia Papel”. Hateten Koordenador Avikasia ne’e ba Jornalista Racom Maubisse 07/06/2021

Entertanto Informasaun no Prokupasaun sira ne’ebe maka hato’o hosi Rede Sosidade Civil Municipio Ainaro hamutuk Autoridade lokal sira, hosi  parte FONGTIL sei hato relatorio ba Governo hodi Resolve situasaun sira ne’ebe maka komunidade sira infrenta iha baje.

Jornalista  :Joaqim de Fatima Coutinho

Editor                  : Moises da Silva Magno

Comment