Ahi Han Uma rua Iha Domingu iha Aldeia Kasimdei Suku Fatubesi Maubisse

0
481 views

Domingu Madrugada Loron 20 Fulan Junho ne’e Ahi han Uma Komunidade nian Rua iha Aldeia Kasimde Suku Fatubesi Maubisse.

Iha akontesementu Insendiu ahi han ne’e la rejulta ba ema ida lakon vida Maibe sasan uma laran maka la salva total, hanesan sasan kios nian  inklui Motor ida no osan Seribu Dolar ($1.000)

Tuir nai ba uma inan feton Francisca Alves Lemos ba jornalista Radio Komunidade Maubisse ho mata wen konta katak.

“Tamba Ami hader mai liu tia ona, hader mai mo’os ahi lakan tia ona  entau hau hakilar no hader mai hau importante liu maka labarik. Hau hi’it maka labarik hau nunka atu foti buat ida e ami tun liu ba Estrada tamba ami tauk liu maka listrik. Ho akontesementu ne’e ami mo’os la hatene keta husi fiu ka ho akontesementu ne’e ami la hatene ida tamba ami nia dapur mos odamatan savi hela derpenti ahi taran ne’e ami mo’os la bele hatene.” Hateten Nain ba uma ba Racom Maubisse 20/06/2021.

Nafatin ho mata wen ne’ebe maka habokon inan feton ne’e nia hasan hodi kuntinua dehan ba oras ne’e dadaun laiha ona fatin mahon ruma ba familia ida ne’e atu hela.

“Alat dapur kompletu, osan Seribu Dolar ($1.000), ami nia motor ida telvisaun ho sasan sira seluk ahi han hotu  Agora labarik deit mo’os kidun molik hela. Hau ho hau nia katuas oan kous deit maka labarik hodi halai sai. Hau husu Ajuda ba Govrno ajuda netik uma ida ai mahon ida ba hau para hau bele hela netik moris ida hanesan ne’e ho ki’ikoan sira ne’e ami atu ba ne’ebe.” Kuntinua hateten inan feton ne’e.

Alende ida ne’e mo’os laen kaben husi inan feton Francisca Julio Soares husu ba Governo Atu Ajuda halo uma ida ba Familia ne’e tamba ba oras ne’e dadaun laiha ona fatin atu satan netik hosi udan no loron nia manas.

“Ahi ha’an hotu ne’e uma rua maka hanesan dapur no uma ba haela ho sasan uma laran ne’ebe maka ami la konsege salva. Maka hanesan motor telvisaun kluna ho osan Cadanga ba bisnis nia ne’e Serebu ($1.000) ami hakarak husu ba Governo bele halo uma ida ba  ami tamba fatin ne’ebe maka ami atu hela ne’e laiha ona.” Kuntinua hateten Nain ba uma Julio 20/06/2021.

Iha akontesementu insendo ne’e xefe do suku Fatubesi hamutuk Ofesial Polisia Suku OPS to’o kedan iha fatin akontesementu hodi hare no observa deirita akontesementu ahi han ne’e.

Ba Jornalista Radio Komunidade Maubisse Mauloko Ofesial Polisia Suku Fatubesi Filipio Magno hateten katak.

“Ahi ne’ebe maka han uma ne’e, sira rasik mo’os la hatene e sira hakfodak mai ahi mo’os sae ona entaun sira la bele salva. Maske sasan sira la konsege salva maibe sira konsege salva familia ema nain hitu (7) ne’ebe mak hela iha uma ne’e konsege halai sai e laiha ida maka kanek”. Hateten OPS Suku Fatubesi 20/06/2021.

Entrtanto uma ne’ebe maka ahi han dadauk ne’e maka hanesan uma dapur  halo ho du’ut ida no uma kalen ida, no Familia ne’ebe maka hela uma refere hamutuk ema nain hitu kompostu husi inan Aman no oan kondisaun diak hotu laiha ema ida maka kanek.

Jornalista         :Joaqium de Fatima Coutinho

Editor              :Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments