by

Presidente Konsellu Veteranos Municipio Ainaro “Loro Mesak” Vizita Familia Vitima Ahi han Uma iha Suku Fatubessi Maubisse

Presidente Konsellu Veteranos Municipio Ainaro “Loro Mesak” Vizita  Direita Familia Vitima Ne’ebe ahi han Uma iha Suku Fatubessi Maubisse.

Objetivo hisu Vizita ida ne’e hodi oferese Apoiu Aihan Nesasidade Baziku Inkului sasan dapur nian ba Familia Vitima ne’ebe maka ahi han uma iha Domingo Loron 20 fulan Junho Foin lalais ne’e, iha Aldeia Kasimide Suku Fatubessi Municipio Ainaro. Ba Jornalista Radio Komunidade Maubisse Mauloko Presidente Konsellu Veteranos Municipio Ainaro Julio da Conçeicão “Loro Mesak” hateten katak.

“Apoiu la barak sasan sira ne’ebe ami lori maka hanesan bikan,kanoru,sana, tasu, supermi itoan no mo’os fos hodi Apoiu dadauk sira hodi hein tan apoiu ruma husi ita nia MSS Municipio Ainaro. Agora kedan hau sei buka kontanktu ba MSS Municipio ba mo’os iha Ministeriu  hodi informa situasaun ida ne’e, dala ruma sira seidauk mai tamba sira seidauk iha informasaun.” Hateten “Loro Mesak” ba Jornalista Racom Maubisse 21/06/2021.

Vitima ba Insendu Ahi han uma ne’e Francisca Alves Lemos hateten nia Parte hato ninia Agradesementu no obrigado ba Konsellu Veteranos Municipio Ainaro ne’ebe maka ajuda ona familia ne’e hodi hakman netik sira nia Sofrementu.”

“Hau nia agradesementu ba konsellu Veteranos Municipio Ainaro, liu husi Ajuda ne’ebe maka fo’o ona mai hau osan, Aihan, no sasan dapur nian. Hau nia Obrigado tomak ba Nai Ulun sira ne’eba maka ajuda ona hau nis susar no terus ida ne’e. Hau Mo’os hakarak husu liu ba hau nia Governo tamba agora hau ho hau nia oan nain lima hamutuk ami nain hitu sasan bisnis hotu sai naben e hahan iha uma laran deit mo’os laiha ona ne’ebe hau hakarak husu ba Governo bele ajuda netik hau hosi terus ida ne’e.” Hateten Francisca ho loran susar ba Jornalista Racom Maubisse 21/06/2021.

Entrtanto uma ne’ebe maka ahi han dadauk ne’e maka hanesan uma dapur  halo ho du’ut ida no uma kalen ida, no Familia ne’ebe maka hela uma refere hamutuk ema nain hitu kompostu husi inan Aman no oan kondisaun diak hotu laiha ema ida maka kanek.

Comment