Komunidade Aldeia Tolu Suku Malau Seidauk Asesu ba Roman Energia Eletrisidade.
Prokupasaun ne’e hato husi Xefe do Suku Maulau Domingos Mendonça Kuarta Loron 30 Fulan Junho Foin Lalais ne’e iha nia Knar Fatin. Tuir Xefe do Suku Hateten Suku Maulau Kompostu Husi Aldeia Sanolu (10), Aldeia Hitu (7) maka Asesu ona Roman Eletrisidade hela Aldeia Tolu (3) Maske Rin Eletrisidade hosi Kompanhia Balun tau ona iha ne’eba.
“Maulau iha Aldeia sanulu (10), Aldeia hitu(7) mak assesu ona ba lina eletrisidade no hela Aldeia tolu (3) mak seidauk assesu ba eletrisidade, Aldeia tolu ne’e mak hanesan aldeia Malaria, Aldeia Numluli no Aldeia Hatkaria. Eletrisidade ne’e husi kompania Riatú, ne’ebé mak lori ona besi-rin no material sira ne’e mai ona iha aldeia Malaria, Numluli no Hatkaria maibe to agora seidauk lakan. Foin daudauk ha’u halo ona karta ida ba iha director EDTL Munisipiu Ainaro atu bolu fali kompania Reatú, atu ba oin ne’e kontinua halao nia obra ne’e ba oin atu ahi bele lakan ona ba iha Aldeia tolu ne’e, Director kompania nia ligasaun ne’e to agora labele kontaktu tanba númeru mos desliga hela tanba ne’e ami hanesan autoridade labale kontaktu ho nia, maibe ami nafatin kontaktu ho directu EDTL Munsipio Ainaro nian ” Hateten Xefe Suku Maulau ba RKMM 30/06/2021.
Entertanto Suku Maulau Postu Administrativo Maubisse Kompostu husi Aldeia Sanolu (10) Aldeia Hitu (7) maka Asesu ona ba iha Roman Energia Eletrisidade, no Aldeia Tolu (3) Seluk la dauk asesu ba Roman Energia Eletrisidade to Ohin Loron.
Jornalista Joaquim de Fátima Coutinho
Editor Moises da Silva Magno
