by

Komunidade Aldeia Hatubuti Suco Aituto Voluntariamenete Dada Ahi Ho Au Betu

Juventude Hatobuti Maubisse, Adelia Menezez hateten Tamba Kompanhia hadau Malu ba liña Eletrisidade obrigado komunidade ho inisitiva, dada rasik ahi hodi fo roman ba oan sira estuda iha Tempu kalan.

Adelia Menezes  Pereira ba Jornalista Radio Komunidade Maubisse Mauloko Sesta Loron 02 Fulan Julho ne’e Wainhira hamutuk ho Komunidade Aldeia  Hatobuti lalin dadaun au hodi utlija sai hanesan rin ba eletrisidade hateten.

“Hanesan Juventude iha Aldeia Hatobuti Suku Aituto Postu Administrativo Maubisse Municipio Ainaro. Total Populasaun iha ami nia Aldeia ida ne’e hamutuk 64 Uma kain, ami durante tinan barak ami la asesu ba eletrisidade tamba deit hadau malu husi kompañia sira liliu kompañia Hlurilau ne’ebe maka mai akomula ami nia komunidade sira ke rai kuak depois hein atu besi rin husi Parte Aihou nian tun to ba Coulolo ne’eba, to agora tau tia besi rin ami la hatene naroman ne’e iha ne’ebe tamba saida. Entaun ho ida ne’e  ami ho inisiativa rasik hodi dada eletrisidade ho ami nia au sira ne’ebe maka agora dadaun ami tesi hela, hodi nune asesu ba eletrisidade hodi fo naroman baa mi nia Aldeia ne’e rasik hodi nu’une ami nia alin sir abele estuda tamba ita hatene katak sira maka futuru Nasaun nian, tamba ne’e maka ami iha direitu atu hetan dezemvolvementu.” Hateten Juventude Feto Aldeia Hatobuti Adelia Menezes ba RKMM 02/07/2021.

Tuir Eis Xefe aldeia Hatobuti Suku Aituto Postu Administrativo Maubisse Municipio Ainaro Luis Sarmento dos Reis hateten Inisiativa ida ne’e hamosu hosi Komunidade uma kain 20  liu husi Kontribuisaun kada uma kain  tau osan  sosa Fiu hodi dada Rasik ahi hodi hein tan Governo nia tulun.

“Durante ne’e ahi ne’e tama hela mai, ne’ebe dada husi Kompañia Hlurilau mai dada hela maibe ami la hatene solusaun ne’e to’o iha ne’ebe ona, rin maka ita hanesan dadaun ita bo’ot sira hare dadaun ne’e, mas agora ami la temi ba Maun Bo’ot ou Maun Ki’ik ida Impedementu husi se maka ne’e ami mo’os la hatene  ami komunidade ki’ik hein loron mo’os ami hein I hein kalan mo’os ami hein. Tamba hanoin la to’o maka ami hamutuk ho ami nia komunidade sira ta’a rasik au hodi ba hari buat ida ne’e hasai rasik ami nia kosarben kada ema ida tau Vinte Cinco Dolares ($25 Dolares).” Kuntinua dehan Eis Xefe Aldeia Hatobuti ba RKMM 02/07/2021.

Entertanto Total Populasaun Aldeia Hatobuti Hamutuk uma kain nen nolu resin ha’at 64  Uma kain rua nolu deit maka Tau osan hamutuk hodi halo servisu ida ne’e ho volumtariomente tamba deit hakarak hetan Roman eletrisidade hanesan Mo’os Aldeia Vizinhu Sira Seluk. Alende ida ne’e Kompañia ne’ebe maka kaer Obra ida ne’e husi Kompañia Hlurilau Unipesoal Lda  ne’ebe to’o ohin loron seidauk finalija maske rin eletrisidade hamrik ona iha Komunidade sira nia uma sorin.

Jornalista         Natalino Mendonça

Editor              Moises da Silva Magno

Comment