by

Xefe Aldeia Aihou Maubisse Paulino Mendonça Rekomanda ba Governo Lokal Servisu Hamutuk nafatin ho Parseiru sira

Xefe Aldeia Aihou Maubisse Paulino Mendonça Rekomanda ba Governo Lokal  Servisu Hamutuk nafatin ho Parseiru sira hodi tau atensaun  ba Komunidade sira ne’ebe afeita ba Dezastre Naturais.

Paulino Mendonça Araujo Hanesan Xefe Aldeia Aihou suku Aituto Postu Administrativo Maubisse, hato’o Rekomendasaun ne’e hafoin de Ekipa servisu Dezastre Hamutuk ho Administrador Municipio Ainaro halao Distribuisaun  Sasan Emergenjia ba Familia Afetado Dezastre Naturais Uma Kain 88 iha Sede Suku Aituto Loron 15 fulan Jullu foin lalais ne’e. Alende ida ne’e Mo’os iha Familia Vitima uma kain ida maka Simu Matreal Konstrusaun ba uma nian inklui osan ba Sosa Ai nian husi Parseiru Sidade Amiga Balarat Australia. Tamaba ne’e tuir Xefe Aldeia ne’e hateten nia Parte senti kontenti ho Apoiu ida ne’e, maske sasan sira ne’ebe maka nia Komunidade sira simu maske la barak maibe bele Augenta netik moris ba loron balun.

“Hosi ekipa Dezastre Naturais sira ne’ebe maka ohin mai iha Suku Aituto Ami senti kontenti tebes no orgullu tebes.Durante ne’e ami nu’udar Autoridade lokal iha Aldeia ami mo’os esforsu-an makas ba ami nia Komunidade sira hotu ne’ebe maka hetan Dezastre ida ne’e, ami senti prokupa tebes ho ami nia Komunidade Sira, maibe ohin hetan duni apoiu ne’ebe maka durante ami ami esforsu hamutuk ho ami nia komunidade sira iha Aldeia laran, ohin bele hetan duni nia rejultado. Ne’ebe ami nu’udar Autoridade lokal ami senti kontenti tebes mesmu la barak maibe itoan atu komunidade afeitado sira bele konsumu netik ba loron ida ohin no ba oin.Ikus liu hau atu rekomenda hela ba Governo atu servisu hamutuk nafatin ho ita nia Parseiru sira ne’e karik iha futuru mai akontese tan Dezastre hanenesan ne’e bele tau matan likus ba iha ita nia Komunidade sira.” Hateten Xefe Aldeia Aihou 15/07/2021.

Alende ida ne’e mo’os iha deskursu Adjunta Administrador Municipio Ainaro Aguida Judit Mendoça hateten, tuir dadus ne’ebe maka ekipa Verifikasaun dadus hosi municipio Ainaro, total familia afeitado ba Dezstre Naturais iha Suku Aituto hamutuk 88 no uma kain rua maka grave liu. Nain ida hetan ona Matreal Konstrusaun husi Sidade Amiga Balarat Australia, no ida seluk sei tau iha konsiderasaun no sei supmete ba iha Nasional.

Enterntato Sasan Emergenjia ne’ebe maka fahe ba Familia Afeitado Dezastre Suku Aituto nian maka hanesan Aihan, manta, matreal dapur nian, Inklui sasan sira seluk ba nesasidade uma laran nian.

Jornalista         Junior Martins Villa

Editor              Moises da Silva Magno

Comment