Inspektur Eskoalar Manuel Pereira Hateten Katak, Eskola EBF Manetu Maubisse Tama ona iha Plano Konstrusaun.

0
900 views

Inspektur Eskoalar Postu Maubisse Zona B Manuel Pereira: Eskola EBF Manetu Maubisse Tama ona iha Plano Konstrusaun.

Ligado kondisaun Eskola ne’ebe a’at no grave tebes, Aumenta tan ho impaktu Dezastre Naturais iha loron 4 Fula Abril liu ba fo’o afeita tebes ba Eskola EBF Suku Manetu kalen sira anin sobu no to ohin loron uma kakuluk Eskola nian sei nafatin nakloke. Waibhira iha tempu udan tenki taka ho lona hodi kuntinua halao prosesu de Aprendisazen.

Ho kondisaun ne’e hafoin de Vizita husi Direktur Nasional Pre Eskolar Ministeriu Edukasaun  Juventude Desportu ho Ekipa, hamutuk Responsabel Servisu Edukasaun Postu Administrativo Maubisse,  responsabel ba Programa Edukasaun husi Plan Internasional loron 27 fulan Jullu foin lalais ne’e.

Ba Jornalista Radio Komunidade Maubisse Mai-Loko Inspektur Eskola  Encino Baciku Postu Administrativo Maubisse Zona B Manuel Pereira hateten, ho Kondisaun Eskola ne’e iha ona Plano ba Konstrusaun sala ne’e iha Tinan ida ne’e.

“Kondisaun ne’e realidade maka hanesan ita bo’ot  sira hare dadaun,katak kondisaun ne’e grave depois mais afeita husi Dezastre Naturais ne’ebe akontese. Mais iha ona planu tekniku ba Konstrusaun husi Ministeriu Edukasaun iha tinan kotuk iha survei kompletu no iha ona mo’os lista kompletu ona hein tinan ne’e karik iha Orsamentu sei hari sala nen iha ne’e. Hateten Manuel Pereira Inspektur Eskolar Postu Administrativo Maubisse Zona B 27/07/2021.

Enterntanto tuir Observasaun Jornalista Radio Komunidade Maubisse Mau-Loko iha Eskola EBF Manetu laiha be mos hodi fasilita tein hahan Merenda Eskolar, durante ne’e uja deit be posu, no Difikulta Estudante sira fase liman ho sabaun kada loron, total Estudantes iha Eskola ne’e hamutuk Atus Tolu SiaNolu (390) Kompostu husi Feto no Mane,Manorin nain Permanente nain rua, Kontraktadu nain ha’at, no Parsial nain Ha’at.

Jornalista         Natalino Mendonça

Editor              Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments