MAP Liu husi Diresaun Nasional Peskiza no Estatistika Agrikultura halao atividade loron To’os Nain iha Postu Administrativo Maubisse.
Liu husi ida ne’e hodi koko mo’os ai-han nia sabor liu-liu koto Varidade oi-oin ne’ebe maka Peskijador sira teste ona. Alende ida ne’e husi aktividade ne’e hanesan Parte ida husi Peskija ai-horis koto ne’ebe maka hala’o atu bele define kualidade ai-han iha Timor Leste. Aktividade ida ne’e halao iha Ulilefa Maubisse loron 21 fulan Jullu foin lalais ne’e.
Ba jornalista Radio Komunidade Maubisse Mauloko Direktur Nasional Peskija i Estatisfika Husi Ministeriu Agrikultura e Peskas Deolindo de Oliveira hateten, Objetivo husi Aktividade ne’e halo loron to’os nian (Field day) no mos hodi koko sabor husi koto ne’ebe pekijador sira identifika no kuda iha Maubisse.
“Objetivo mai iha ne’e atu halo loron ba Agrikultor, atu hatene katak perkija ne’ebe maka ita lao ba Varidade 62 depois husi 62 ne’e ita halo perkija deit Varidade koto 21 ne’ebe maka agora ita mai para koko nia sabor koto ne’ebe maka ita halo ne’e, ida ne’ebe maka ita halo ne’e. Ita priense komunidade idak-idak koko hodi hare ko’or depois nia volume bo’ot husi koto ne’e, e han hodi senti rasik.” Hateten Deolindo de Oliveira ba Jornalista RKMM 21/07/2021.
Nia kuntinua dehan tan katak peskija halao kuaje tinan ha’at atu tama ba tinan lima ona, no ekipa sira sei kuntinua peskija to hetan nia rejultadu ikus hafoin rekomenda ba komunidade to’os nain sira bele kuda iha idak-idak nia to’os.
Iha fatin hanesan Armindo Moises hanesan peskijador husi Ministeriu Agrikultura e Peskas iha Maubisse hateten liu husi aktividade ida ne’e sai hanesan dadus ba ekipa tamba fini koto ne’ebe maka iha ne’e balun mai husi Rai liur, oinsa atu halo komparasaun ho fini koto ne’ebe maka komunidade Agrikultor kuda no produs iha Rai laran.
“Ita nia Surumutuk ida ohin ne’e atu fahe informasaun ba malu, I alende fahe informasaun ba malun halibur maluk sira husi entidades relevantes sira hotu partisipa hodi ita koko hamutuk sabor husi koto ne’e. Tamba ita introdus mai husi Rai liu ho varidade oi-oin entaun bainhira koko hamutuk ho ita nia lokal, alende ita laos hare deit ba iha nia produsaun maibe ita mo’os tenki koko nia sabor, se ita koko nia sabor ne’e diak ne’e sai hanesan dadus ida para aban bairua ita bele rekomenda atu nune’e ita nia Agrikultor sir abele simu ho kontenti.” Haktenik Armindo Moisese Peskijador husi MAP.
Entertanto Partisipa iha Aktividade ida ne’e Direktora MAP Municipio Ainaro, Direktur Peskija e Estatisitika MAP husi Nasional, Koordenadora Estensionista Postu Maubisse ho Ekipa Esktensionistas, Xefe Aldeia Urahou, Rita, hamutuk ho Komunidade to’os nain sira iha Ululefa Maubisse.
Jornalista Nonny Martins
Editor Moises da Silva Magno
