Xefe Suku Maubisse Wilson Nivio Hateten Investe iha Setor edukasaun Importante tebes hodi kontribui ba Dezemvolvemento.
Xefe Suku Maubisse Villa Wilson Nivio Mendonca Hato’o lia hirak ne’e iha Surumutuk ne’ebe maka halao ho Inan Aman, Rsponsabel Servisu Edukasaun Postu Maubisse, Responsabel Eskola EBF Sarlala Balibo Maubisse loron 16 fulan Jullu foin lalais ne’e. No aktividadade ida ne’e organiza husi Organizasaun Care Hatutan liu husi Programa KVK Kartaun Valor Komunidade. Ligado ho Programa ida ne’e xefe suku Wilson hateten Partisipasaun Komunidade imprtante tebes ba programa sira ne’ebe Parseiru Dezemvolvementu halao dadaun iha baze, hanesan dadaun iha eskola EBF Sarlala Balibo sei hadia be mo’os ba eskola ne’ebe maka sei implementa husi Organizasaun Care Hatutan servisu husi komunidade sira.
“Ita hare katak setor Edukasaun hanesan setor ida ne’ebe maka importante tebes. Setor ida ne’ebe atu produs Rekusu Humanus iha ita nia rai laran hodi kontribui ba Dezemvolvementu.Tamba ida ne’e ita presija servisu hamutuk entre linhas Ministeriais hotu ho komunidade, atu komunidade sira rasik tenki proativu hodi bele apoia programa sira ne’ebe maka ita nia Parseiru sira tanto ita nia Governo lori to’o mai iha baze liu-liu iha ita nia Eskola.” Hateten Wilson Nivio Mendonca 16/07/2021.
Liu husi Surumutuk ne’ebe maka halao hamutuk Inan Aman sira iha Edefisiu Eskola EBF Saralala Balibo Maubisse, Rsponsabel ba Programa KVK husi Organizasaun Care Hatutan, Vascoal da Cruz Gomes hateten Onjetivo husi Surumutuk ida ne’e atu identifika Problema ne’ebe maka eskola infrenta hodi buka solusaun hamutuk, rona mo’os Inan sira nia lian kona ba lalaok eskola nian, Inklui kria relasaun diak entre eskola Komunidade no Autoridade lokal.
“Aktividade ida ne’e nia objetivo ne’e atu identifika Problema Eskola no buka Solusaun hamutuk liu husi identifikasaun Inan Aman sira nian maka ema hanarak Kartau Valor Komunidade. Atu rona mo’os Inan sira nia lian tamba durante ne’e Inan sira partisipasaun nunka fo’o oprtunidade atu kolia atu hato’o obeservasaun ruma kona ba Eskola ida ne’e, entau ho KVK nia Presenja hakarak atu rona mo’os sira nia lian.” Hateten Responsavel KVK husi Organizasaun Care Hatutan 16/07/2021.
Vascoal kuntinua hatutan liu husi Programa ida ne’e mo’os hodi kria relasaun diak entre eskola ho autoridade lokal oinsa atu servisu hamutuk liu husi relasaun ne’ebe maka diak hodi kuntinua dezemvolve eskola ne’e ba oin.
Entertanto Problema ne’ebe maka identifika hamutuk iha Eskola EBF Sarlala Balibo Maubisse maka hanesan be mos no Saniamentu, Sala ba Manorin nain sira inklui sala han fatin ba Estudante Sira. Maibe Programa Prioridade ne’ebe maka sei halo husi Organizasaun Care Hatutan maka hadia Kanalizasaun Sistema be mo’os no sala han fatin ba iha Estidante sira.
Jornalista Junior Martins Villa
Editor Moises da Silva Magno
