Chefe Aldeia Goulolo Aituto Maubisse, Januario da Conceicão Haktuir Estrada Ne’ebe Ami Ke Voluntariu “Kareta la Tama, Motor deit mo’os Ami Kontenti ona.

Hateten Xefe Aldeia Goulolo Suku Aituto Postu Administrativo Maubisse Januario Conceicão Lopes loron 31 fulan Jullu foin lalais ne’e, Waninhira hamutuk ho nia Komunidade Aldeia, Juventude  Goulolo ke dadaun edtrada kuaje Kolo metro hitu  husi Aldeia Goulolo, liga Aldeia Maulefo Suku Aituto nian.

“Hau ho hau nia komunidade ne’e rasik maka hakarak kontribui ke ami nia Estrada ida ne’e, tamba tinan barak ona ami laiha Estrada atu transporta ami nia produtu sira ba merkadu. Produtu ne’ebe ami iha maka hanesan kafe, koto, modo, no buat seluk tan. Maibe ami nia produtu sira ne’e atu lori ba merkadu ami tula deit iha kuda, I ami nia kuda barak maka mate no mout iha mota laran. Tamba ne’e hau hamutuk ho hau nia Komunidade Goulolo hakarak fo’o ami nia kontribuisaun  ke Estrada ida ne’e ho Volumtariomente  atu bele lori netik ami nia produtu sira hanesan ohin hau temi ne’e bele asesu ba iha merkadu, maske kareta la tama maibe motor maka tama deit mo’os ami agradese ona.” Hateten Xefe Aldeia Goulolo Suku Aituto 31/07/2021.

Iha fatin hanesan Juventude Aldeia Goulolo Elvis Piacheco Mendonça Kuntinua hateten prokupasaun ne’ebe maka komunidade Aldeia Goulolo Suku Aituto Infrenta maka hanesan  Estrada, eletisidade inkului be mos. Tamba ne’e nia Parte husu ba iha Governo liu husi Ministeriu relevante atu toma netik Konsiderasaun ba iha prokupasaun hirak ne’e. Maske ba oras  ne’e sira ke dadaun ona Estrada ho inisiativa rasik.

“Prokupasaun  ami nian maka Estrada ida ne’e be mos no eletrisidade, kona ba Estrada ami hamutuk ho inan aman sira ami ke duni, maibe ne’e ami nia inisiativa rasik, tamba ne’e husu Nai Ulun sira bele tau matan netik ba ami nia prokupasaun hirak ne’e.” Haktenik Elvis ba Jornalista RKMM 31/07/2021.

Alende ida ne’e mo’os tuir komunidade sira ne’ebe maka ke dadaun Estrada iha area ne’eba  hateten, komunidade sira pronto atu ke Estrada ne’e ho voluntariomente maibe sira presija Governo nia tulun hanesan hada bronjong, Saluran, Inklui Ponte. Aktividade ke Estrada ida ne’e komesa iha tinan 2008 to’o ohin loron seidauk remata tamba susar iha sikun sira no mota laran.

Entertanto Total Populasaun iha Aldeia Goulolo hamutuk uma kain Hitu Nolu Resin Lima.

Jornalista         Natalino Mendonça

Editor              Moises da Silva Magno