Victor da Costa Adjunto Kom. PNTL Municipiu Ainaro “Autoridade Iha Komitmento Konvense Komunidade Partisipa Iha Vasinasaun”

Racom Maubisse : relasiona ho surumutuk ne’ebe Ministeriu Saude ho Ministeriu Interior realiza iha Posto Administrativu de Maubisse, 3 de Setembro 2021, Ba Radio Komunidade Maubisse Mauloko, Adjunto Komandate PNTL Municipiu Ainaro  Suprentendente Asistente Polisia Victor da Costa hateten katak “Hanesan Autoridade local tenke iha komitmento forti atu bele konvense komunidade hodi partisipa masimu iha programa governo nian iha Munisipio Ainaro ligadu ho programa vasinasaun ne’ebe mak kompara ho municipiu seluk, Municipiu Ainaro ki’ik liu”.

Tamba tuir politika VIII Governu Konstitusional katak programa vasinasaun tenke atinji to’o 75%, maibe realidade Timor Leste em jeral foin mak atinji 52,5%, signifika katak falta 22,5% hodi kompleta vasinasaun iha teritoriu Timor Laran tomak.

Tamba ne’e Segundu lidernaca PNTL Municipiu Ainaro ne’e, Nia hatutan liu tan katak “Ema ne’ebe sai hanesan governo nia liman ain iha baze mak chefe suku, chefe Aldeia, OPS, chefe do posto inklui PNTL, tamba ne’e ba oin ita tenke servisu akas hodi  hodi bele konvense komunidade sira nune’e bele hakbesik-an mai iha sentru saude sira hodi simu vasina, tamba moras Covid-19 ou variante delta oras ne’e eziste ona iha Timor e sirkula mos iha municipiu sira inklui Munisipio  Ainaro”.

Tamba tuir Adjunto komandante ne’e katak ita nia ema nain rua husi Munisipio Ainaro foin mak mate tamba diskunfia hetan mos sintoma ba covid, no ida ne’e ita konidera katak iha ona transmisaun lokal ba oras kovid-19 no variante delta.

Mai hakbesik-an ba sentru saude hodi simu vasina,tamba ita nia saude iha ita nia liman rasik.

Jornalista        : Milvia Maria do Rego Mendonca

Editor : Joaquim de Fatima Coutinho