PARCIC Hamutuk ho Komunidade Agrikultor Dezemvolve Kualidade Café Maubisse Asesu ba Merkadu

0
474 views

Racom Maubisse:Progresu ne’ebe durante ne’e PARCIC halao iha Maubisse maka hamutuk ho komunidade tosnain sira iha terenu hadia nodezemvolve café, no existensia PARCIC iha Maubisse, laos foin mak iha maibe PARCIC mai kedas iha iniciu Timor Leste hetan nia ukun rasik an, liu husi referendum 1999, katak existensai PARCIC iha Timor Leste mai kedan iha tinan 1999, liu husi ninia apoia humanitarian sira ba vitima sira 1999 nian. Liu tiha tinan balun PARCIC koko apoia komunidade sira liu liu komunidade agrikultor sira.

Ho ida ne’e PARCIC halo survey ida konaba café iha Timor Leste, ikus mai PARCIC hili Maubisse, mak sai PARCIC nia baze hodi bele servisu hamutuk ho komunidade tos nain café nune’e PARCIC implementa nia programa sira oinsa mak bele servisu hamutuk ho tos nain café sira hodi hadia café iha Maubisse tamba tuir PARCIC nia hare katak café Maubisse mak kualidade diak liu.

Ba Radio Komunidade Maubisse mauloko, iha 7 de Setembro 2021, Co’ordenador PARCIC Nelson Jose hateten katak;

“Aktividades tos nain nian durante hahu PARCIC esiste iha timor komesa 1999 apoia ba ita nia aktividades  nebe mak halao liu liu ba humanitarian nian ba vitima sira hotu, nune’e parcic iha programa ida atu halo survey iha Timor liu ba café no identifika café nebe kualidade as liu iha timor mak maubisse, nune’e halao promosaun iha 2002-2003 café nian ba iha konsumidor sira iha Japaun e sira interese tebes hodi nune’e apoia tebes ba ihatos nain sira iha Maubisse atu muda sira nia mentalidade ba iha kualidade café, atu produs café nebe ho kualidade diak, hanesan produtu ida nebe uniku iha Timor katak café ne’e hanesan aihan ida ita tenke proteze halo didiak, kuidadu ninia kualidade halo didiak, tamba nia valor as tebes iha timor nomos iha rai liur liu liu iha konsumidor sira nia fatin, tamba ne’e precise tebes kualidade café nebe diak no prosesu mai husi tos nain sira mak sai nain ba café nunee bele garantia kualidade café nebe diak no as”

Iha halo aktividades tantu grupo ka individual sempre iha obstakulu, maibe ho obstakulu sira sei la hamate servisu sira ne’ebe mak PARCIC halao iha terenu hamutuk ho komunidade agrikultor café, tamba ne’e tuir Nelson Jose katak;

“Obstakulu nebe PARCIC hasoru mak oinsa hasoru ema ba em,a liu husi kordenasaun husi ema ida ba ema ida, husi ema nia liman ida ba liman seluk, maibe buka meus oinsa atu hakbesik-an ba tos nain sira hodi hanorin no muda tos nain sira nia mentalidade no oinsa mak bele muda produtu nebe mak tos nain sira nian rasik hodi hetan kualidade diak mak tenke servisu no aprende hodi kuidadu no protese kualidade café ne’ebe mak iha tos nain sira nia liamn”

PARCIC nia apoia ba Ko’operativa Café Maubisse mak facilita merkadu, suporta tos nain sira liu husi Ko’operativa Café, nune’e bele hadia diak liu tan kualidade café iha grupo agrikultor sira nia tos, tamba ne’e tuir Nelson Jose ne’ebe hanesan Ko’odenador PARCIC iha Maubisse haktuir katak;

“PARCIC durante ne’e apoia no facilita merkadu, facilita tos nain sira no mos suporta tos nain sira liu husi koperativa ida hanaran ho naran COCAMAU, no kooperativa ne’e atu lao nafatin mak tenke aprende nafatin oinsa atu liga tos nain nia café ba iha merkadu, tamba ne’e PARCIC apoia nafatin tekniku liu husi informasaun nomos apoia transporte, no ida ne’e mak PARCIC bele apoia ba tos nain sira iha Maubisse liu husi Ko’operativa nune’e bele fan sira nia produtu ba iha merkadu liu liu ba iha nasaun sira hanesan Japaun”.

Oinsa kooperasaun ho autoridade local sira iha Maubisse durante existensia PARCIC iha Maubisse durante tinan sanuluresin, tuir Nelson Jose katak; “Kooperasaun parcic ho autoridade sira iha Maubise diak tebes hanesan administrador Posto, chefe suco, chefe aldeia, media local hanesan radio maubisse nomos inklui autoridade sira iha estrutura konselho”.

Oinsa atu hetan fiar ka konfiansa husi ema seluk liu husi organizasaun local rejional no internasional ba iha kualker produtu, chave importante mak dezemvolve kualidade produtu, tamba produtu ida wainhira laiha kualidade no laiha sustentabiidade mak ita sei lakon konfiansa no lakon mos merkadu.

Ho nune’e se café Maubisse oras ne’e dadaun iha ema barak nia matan katak café Maubisse nia kualidade diak liu, entaun tenke mantein ho kualidade café ne’ebe iha no buka dezemvolve diak liu tan.

Jornalista             :  Joaquim de Fatima Coutinho

Editor                    : Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments