Racom Maubisse: Iha loron 14 Setembro 2021, Secretario Estado Comunicação Social, Dr. Mericio Juvinal dos Reis “AKARA” Vijita Municipiu Ainaro no Radio Komunidade Lian Tata Mai Lau, ho Vijita refere Administrador Municipiu Ainaro Levigildo Pereira, ba Radio Komunidade Maubisse hateten katak;
‘’Ho Viita Excia Sec. Estado Comunicação Social bele hare besik liu tan kondisaun media sira iha Municipiu Ainaro liu liu radio komunidade rua hanesan Radio Komunidade Maubisse ho Radio Komunidade Ainaro, ho vijita refere, Administrador ne’e, Hato’o agradecimentu no orgulho tamba ho vjita SEKOMS nian ne’e bele hare besik liu tan servisu media sira iha Municipiu Ainaro, liu liu Radio Komunidade rua hanesan Radio Komunidade Lian Tata Mai Lau ho Radio Komunidade Maubisse Mauloko”.
Tamba ne’e tuir Administrador Municipiu Ainaro ne’e Ho vijita Excia SEKOMS nian ne’e ba oin bele koopera diak liu tan hodi bele hare no dezemvolve media sira iha municipiu Ainaro, liu liu Radio Komunidade rua Maubisse ho Ainaro, tamba ne’e ho vijita Excia SEKOMS nian ne’e, administrador ne’e realsa liu tan katak;
“ Liu husi surumutuk ne’e halo, fo hanoin atu iha tinan oin 2023, bele aloka orsamentu liu husi fundus tranferensia publiku hodi hadia Radio komunidade rua liu liu radio komunidade maubisse tamba radio refere nia kondisaun ladun diak kompara ho radio ainaro, tamba hare ba kondisaun fiziku, radio maubisse nia kondisaun infrastruktura bele dehan diak 20% deit kompara ho radio ainaro ne’e nia kondisaun infrastruktura 100% diak”.
Ikus liu administrador ne’e salient liu tan katak nia iha esperanca ba oin sei koopera ho SEKOMS hodi hare konaba programa radio ligadu ho informasaun sira ne’ebe fo sai ba komunidade.
Jornalista : Natalino Mendonca
Editor : Joaquim De Fatima Coutinho
