RACOM MAUBISSE—Ministru Asuntu Kombatentes Libertasaun Nasionál (MAKL), Julio Sarmento Meta-Mali, Sesta 20 de Agusto, ofisialmente halo inagurasaun ba plaka herio FALINTIL hodi hanoin hikas aswain sira ne’ebe mate iha tinan 1982 iha postu administrative Hatobulico, munisipiu Ainaro.
“Konseillu Veteranus Munisipio ba servisu hamutuk ho Ministeiru halo ona plaka ruma hodi asina dau-dauk atu hatudu katak tinan tolu nolu resin sia (39) liu ba kotuk ne’e mos iha akontesimentu ida mos iha hatubuilico vila”. Dehan nia iha loron komemorasaun 20 de Augostu tinan ne’e iha Postu Hatubuilico.
Governante ne’e fundamenta, 20 de Augostu ne’e levantamentu ida ne’ebé nasaun Timor nian ba tinan ha’at nolu resin ne’en (46), no levantamentu Dare, Mauchiga mai to Hatobuilico mate nain sanulu (10).
“levantamentu Dare, Mauchiga mai to mate sanulu iha Hatubuilico no lakon kilat hitu ne’e halo tinan tolu nolu resin sia (39), tamba ne’e maka ohin ita nia veretanus sira iha hotu, ita nia klandestina sira iha hotu, no mos ita nia kombatente sira iha hotu, atu realize serimonia ida ne’e sai hanesan memoria ida ba povu Hatubuilico. Ita koalia konaba 20 de Augostu buat ida nasaun Timor nian halo tinan ha’at nolu resin ne’en”. Dehan nia depois de asina Plaka
Entretanu, Plaka ne’e harii hafoin hetan apoiu másimu husi veteranus sira no konseillo veteranus Munisipio Ainaro nian hodi komemora loron Falintil 20 de Augustu iha Postu Administrativu Hatobuilico, Munisipiu Ainaro.
Jornalista : Junior Villa Martins
Editor : Teresa Mendonça Nunes
