by

Lider Nasional Kay Rala Xanana Gusmão: Sai Na’i Lulik Ne’ebe Exemplar, Hodi Servi ho Fuan no Laran

Lider Carismatico Kay Rala Xanana: Nia Lia Menon ba Nain Lulik Foun Nain Rua, Sai Na’i Lulik Ne’ebe Exemplar, Bibi-Atan Diak Ho Hahalok Servi Ho Fuan, Ho Laran.

Racom Maubisse: 18 de Outubro 2021, Depois de Ordenasaun ba Nai Lulik foun nain rua, husi Amu Bispu da Diocese de Maliana Dom Norberto doAamaral, iha Igreja São João de Brito Liquica, iha diskursu Maun Bo’ot Xanana Gusmão hateten katak:

Ita Mai husi fatin fatin, iha kedas igreja, reza no kanta, ba ida ne’e ha’u hato’o Grandesa Espiritual no grandeza iha  ita Timor oan sira nia karakter, solidaderiedade ne’ebe furak teb-tebes, maske lor manas bo’ot, e hau triste uitoan tamba loro manas boot, e maluk sira dehan ami Manatuto mak lori manas mai.

Mais komu ita hotu hamutuk iha ne’e Diocese tolu, ida ne’e mak halo sentido bo’ot teb tebes ba ita tomak nudar sarani, maibe nudar ita tomak hatene katak dificil tamba ho buat ida covid-19, serka sanitaria ho lockdawn, maske nune’e tamba ho Graça Maromak nian katak, husi Amu Bispu nain tolu nia bensaun, ita husi Maliana, husi Ainaro ita la hetan buat ida, ida ne’e maka hatudo amizade ne’ebe bo’ot teb-tebes entre sarani tomak ne’ebe mai haliburan iha ne’e.

Ne’e duni ami atu temi karik tuir ami Lequidoe sira nune’e….Maun Xanana diskursu hela anin tasi nian hu ho neneik mai……., Xanana hamulak hodi konvida anin nune’e bele fo matak malirin ba sarani sira, inklui Amu Bispu nain tolu, nai lulik foun nain rua, padres madres, autoridade husi sivil no militar, konvidadus ne’ebe mak participa hela iha serimonia konfraternizasaun iha recinto Igreja São João de Barito Liquica, ….Xanana Konvida Anin hodi dehan ehh mai ba anin……mai ba e….. mai tamba…so ho anin maka bele hodi hasai tiha manas husi ita nia isin lolon.

 Ne’ebe ami Lequidoe dehan atas nama sarani sira, atas nama bibi oan sira, ami husu ba imi nain rua (Nai Lulik Foun Nain Rua) atu sai amu ne’ebe exemplar no atu sai duni bibi-atan fo exemplu ho imi nia hahalok nebe servi e servi ho fuan, servi ho laran, hodi nune’e ita bele kria no kultura diak tebtebes ida, liu husi ita nia relijiaun liu husi ita nia esperiensia, kultura timor nia diak ida para ita aprezar problema saida deit ita lao ho kalma ho hanoin diak ba ita hotu nia diak.

 Ne’e duni hau fo parabens ba bibi atan nain rua, tamba bibi sira ne’e kuandu nia dikur boot uitoan ona tuku ba tuka mai, kaer mos susar, ne’ebe natureza bibi sira ne’ebe  malantru nebe entrega ba imi atu servi.

Reverendo Amu Bispu nain tolu, husi hau hato’o hakuak bo’ot ho ha’u nia domin tomak ba imi nain rua (Nain Lulik Foun Nain Rua) nomos ba ama sira katak, hanesan ne’e duni iha dalan barak ba ita nia oan sira, dala ruma ida idak hili, dala ruma Maromak mak hili, ita halo tuir deit, e agora sira nai lulik atu kaer metin ita nia fiar iha ita nia rain ne’e, tamba sociedade agora maske ita dehan sarani barak atu mate, mas sociedade agora komesa menus nia konsiensia, no iha nia hahalok. Remata*

Jornalista        : Natalino mendonca

Editor              : Joaquim Coutinho

Comment