by

Presidente da República Halao Diálogu ho Autoridade no Komunidade Municipio Ainaro

Racom Mubisse, 19/11/2021 Presidente da Repúblika Kinta Feira Loron 19 fulan Novembru 2021 halao Diálogo aberta ho Komunidade Municipio Ainaro iha Salaun Parokial Ainaro.

Objetivo husi Diálogo ne’e Xefe Estadu hodi rona direita Prokupasaun Komunidade Municipio Ainaro, kona ba Prosesu Dezemvolvementu ne’ebe lao iha Municipio Ainaro, tamba ho diálogo maka solusaun ba iha Probelema saida deit liga ho Povu nia moris.

Alende tema ba diálogo ne’e hateten, “Dada- Lia Ho Lú Olo. Hafoin de Xefe Estadu to’o iha Fatin Diálogo, Administrador Municipio Ainaro Leovigildo Amaral Pereira Lori Komunidade Municipio Ainaro nia naran informa ba Xefe Estado Liga ho Situasaun Enjeral iha Municipio relasiona ho Kalamidade Nasional ne’ebe maka akontese iha Loron 4 Fulan Abril liu ba, Laos ne’e deit Autoridade Maximu Municipio Ainaro ne’e mos Aprejenta Prokupasaun Komunidade Municipio Ainaro durante Estado Emerjenjia no Serka Sanitaria ba Prevensaun surtu Covid-19 iha Municipio Ainaro.

”Iha biban ida ne’e hakarak hato’o Situasaun enjeral durante fulan Abril Akontese dezastre Naturais iha teritoriu Nasional infelismente  iha Municipio Ainaro sofre  ba iha Dezastre Naturais maka ema nain 10 lakon Vida. Atu informa mos katak kona ba situasaun Pandemia Covid -19 ne’ebe afeita ba Komunidade Municipio Ainaro durante fulan hirak liu ba komunidade moris iha tempu ne’ebe maka difisil tebes, tamba Estadu Dekreta konfinamenu obrigatoriu no serka sanitaria iha ambitu Estadu Emerjenjia nia laran susar tebes atu hetan aihan. Dezafius sira ne’e ami ultrapasa liu husi programa Governu nian hanesan Agregadu Familiar no Sesta bajika hodi hakbi’it povu nia moris to’o ohin loron iha Municipio Ainaro” Hateten Administrador Municipio Ainaro 19/11/2021.

Hafoin rona dekalarasaun husi Administrador Municipio Ainaro, Xefe Estadu Francisco Guerres Lú Olo iha nia Diskursu hateten liu husi ida ne’e hodi diriji Mensajen Presidente da Repúblika ba Povu tuir Konstituisaun haruka. Xefe Estado Deklara maske ho situasaun Covid-19 maibe la hafahe Presidente da Repúblika ho nia Povu.

“Diálogo Presidente da Repúlika nian  tama ba iha  kontekstu ida ne’ebe Konstituisaun rasik fo ba Presidente da Repúblika para atu diriji mensajen ba Povu atu diriji mensajen mos ba iha Parlamento Nasional atu bainhira karik uja nia kompentensia para atu veta diploma ruma ou lei ruma haruka fila fali ba Parlamentu  tenki ba ho rajaun fundamental ne’e mos hola parte hotu   memsajen Presidente   nian. Ida ne’e hola Parte knar Politika Presidente da Repúblika nian ou funsaun Politika Presidente da Repúblika nian, laos funsaun Politika Partidu nian. Tamba ne’e maka hahu hori nanis kedan ami hahu prgrama ida ne’e kolia dada lia ho ita nia populasaun sira iha Municipio sira seluk Ainaro no Manufahi. Mais tamba moras a’at ne’ebe maka lao hela ita nia le’et halo ita do’ok ba malu itoan iha tempu ne’eba ami la bele hi’it-an mai para hamutuk ho imi, hanesan mos ita bo’ot sira ita la bele halibur malun iha fatin ida ne’e tamba moras Cocid-19 ne’ebe lao hela iha ita nia rain. Moras a’at ida ne’e maka hado’ok ita ba malu maibe la fahe ita, la fahe Presidente da Repúblika ho nia Povu ida ne’e. Tamba ne’e ohin hamutuk fila fali ho imi Ainaro Oan sira ho haksolok bo’ot teb-tebs, atu kolia ba imi saida maka Presidente da Repúblika halo iha tempu ida ne’eba mai to’o agora” Diskursu Presidente da Repúlika iha Salaun Prokial Municipio Ainaro 19/11/2021.

Diálogo ida ne’e iha Municipio Ainaro Konta ho Partisipasaun Husi Membrus do Governo, Autoridade Lokal Municipio Ainaro, Komunidade, Estudante,Hamutuk ho entidades Relevantes sira ne’ebe maka Ejisti iha Municipio Ainaro.

Jornalista         : Moises da Silva Magno

Editor              : Racom Maubisse

Comment