by

Padre Inocencio Barreto Lopes: “Ha’u Neon Haksolok Iha Maromak Ha’u Mak Soin”

Racom Maubisse, 20-11-2021 Padre Inocencio Barreto Lopes halao nia missa Agradecimento iha Capela Nossa Senhora Assunção ao Ceo Lequibaulo, no akompanha husi Amu Paroco maubisse, Diacono, Frater no Madre inan aman husi Padre Inocencio nian, familia no Sarani sira husi maubisse, Hatobuilico no Sarani iha Lequibaulo rasik.

Ba Radio Komunidade Maubisse Mauloko Padre Foun Inocencio Barreto Lopes iha intervista ba hateten katak;

“Ba ha’u hanesna Nai Lulik foun ida husi Paroquia Maubisse nian ha’u senti ida ne’e ksolok ida mai ha’u, graça ida mai ha’u pessoal, maibe graça ida ne’e laos hela ba ha’u deit, maibe ksolok ida mos ba Arquidiocese de Dili. Tamba ne’e ha’u hanesan instrumentu ida hanesan nai lulik foun ida senti haksolok ho graça ida ne’ebe haraik mai h’au laos ha’u mak makas ou hebat hanesan ohin ha’u dehan iha omilia, maibe Maromak mak hebat hodi haraik ksolok no graça bo’ot ida mai ha’u. Lema husi padre foun ne’e mak“Ha’u Neon Haksolok Iha Maromak Ha’u Mak Soin” (Lc1.47)

Padre Foun Inocencio Barreto Lopes aprofunda liu tan katak;

“Laos osan mak ha’u sai nai lulik, maibe tamba kna’ar maibe koalia konaba osan sim hau presija maibe laos kestaun ba ha’u nia knar hanesan nai lulik, hanesan buat sira seluk ha’u presija atu halo ha’u nia knar, atu halo pastoral, hala’o viajem bele fasilita ha’u nia knar ida nee laos osan mak prioridade, maibe prioridade mai ha’u mak orasaun, tanba hanesan nai lulik foun ida sei lao, tanba tempu ida agora laos facil e presija nafatin orasaun atu nune’e ha’u bele metin nafatin no fiar nafatin ba dalan ida nee maske hasoru susar difikuldade iha ha’u nia kna’ar atu bele lao nafatin ba oin”.

Iha Fatin hanesan presidente komisaun Martinho Maria Sarmento, haktuir katak;

“Senti orgullo no haksolok ami nia sentimentu ba missa agradesementu ne’e tanba Paroquia Maubisse iha tinan naruk nia laran foin mosu mai amu nain rua, tanba ne’e amu Inocensio Barreto Lopes mai halo missa agradecimentu iha ninia noris fatin iha Kapela Lequibaulo, ho nune’e ha’u em nome sarani Lequibaulo hato’o agradece no orgulllo tebes ba amu Ino nia esfosu tomak too ohin loron sai nai lulik”.

Iha missa agradecimentu ne’ebe halao iha Capela Lequibaulo Aituto Maubisse ne’e hetan participasaun maksimu husi padre paroco, frater, madre, familia no sarani husi Maubisse, Aututo Hatobuilico no partikularmente sarani husi centru pastoral Lequibaulo Aituto.

Jornalista        : Melvia Maria

Editor              : Racom Maubisse

Comment