Racom Maubisse: 19/11/2021, Estudante Bernadete Ximenes Hosi Munisipio Ainaro Husu Ba Ministeru Edukasaun atu tau planu ida ba alin feto sira nebe kaben sedu nebe hakarak la kontinua sira nia eskola iha pre- sekundaria, informasaun ne’e hato wain hira Xefe Estado Rdtl Fransico Guterres Lu-Olo Ho ekipa halo dialogo ho komunidade no aturidade lokal inklui linas sektorais sira iha Munisipio Ainaro.
Bernadete Ximenes Estudante Husi Eskola Sekundario Filial Tekniku Vokasional Dare Betua Munisipio Ainaro iha nia intervensaun, husu ba Ministeru Edukasaun atu kria planu politika ida nebe diak hodi fo oportunidade ba inan feto sira nebe kaben sedu no hakarak kontinua sira nia estudu iha eskola pre-sekudaria sira.
Hatan Ba Kestaun Ne’e Ministru Edukasaun Joventude no Desporto Armindo Maia iha dialogu ne’e hateten perkupasaun nee MEJD finaliza ona politika nebe reentrega inan feto sira nebe kaben sedu hodi bele kontinua sira nia estu hanesan joven feto sira seluk.
Ministru Edukasaun ne’e mos hatutan parte edukasaun mos halao asina ona konvensaun ida kotra diskriminasaun ba feto, tamba ne’e Ministeru Edukasaun sei implemeta konvensaun refere, hodi ema hotu-hotu iha direto hanesan atu asesu ba edukasaun.
Tamba ne’e governu liu husi Ministeriu da Edukasaun atu hare kestaun ne’e nune’e ble hadia politika edukasaun hodi bele fo biban ba alunus sira nebe kaben sedu hodi asesu hikas ba edukasaun.
Jornalista : Moises Magno
Editor : Joaquim Coutinho
