Racom Maubisse, (19/11/2021). Prokupasaun ne’e hato’o husi Respresentante Komunidade Suku Sia iha Postu Administrativo Maubisse Aktual Administrador Postu Administrativo Maubisse Luis Casimiro Lopes foin dadaun ne’e iha Ainaro, ba Xefe Estadu Francisco Guterres Lú Olo.

Luis Casimiro Lopes hateten, tempu udan hanesan agora dadaun kondisaun estrada susar atu desloka ba iha Suku tamba estrada kondisaun la diak. Maske Maubisse Kuiñesidu ho Repollu no Fehuk Ropa maibe kondisaun estrada difisil tebes atu transporte asesu ba to’o iha suku.

“Maubisse tempu udan hanesan ne’e ami la bele desloka ba suku tamba estrada kondisaun la diak. Ita hanoin katak promove Produtu lokal, Maubisse Kuiñesidu ho Repollu Fehuk Ropa maibe udan hanesan ne’e transporte atu asesu ba suku sira ne’e difisil teb-tebes, ami husu nafatin Sua.Ex.Cia Nia tulun bele hato ba Governu atu nune’e bele apoiu ami iha parte estrada nian no mos ahi be’ebe balun seidauk asesu, to’o oras ne’e dadaun komunidade sira iha Suku no Aldeia seidauk hetan opurtunidade sira hanesan ne’e” Hateten Xefe do Postu Maubisse 19/11/2021.

iha Sorin Seluk nia hateten, Hanesan Jerasaun foun ba Rai ida ne’e, husu ba iha Lider Jerasaun taun tur hamutuk hodi rai hela Imajen no Mensajen diak ba Jerasaun foun Rai ida ne’e.

Entertantu iha Diálogu ne’e ,Xefe Estadu Francisco Guerres Lú Olo iha nia Diskursu hateten liu husi ida ne’e hodi Rona Prokupasaun Komunidade nain no diriji Mensajen Presidente da Repúblika ba Povu tuir Konstituisaun haruka. Xefe Estado Deklara maske ho situasaun Covid-19 maibe la hafahe Presidente da Repúblika ho nia Povu.

” Moras a’at ida ne’e maka hado’ok  ita ba malu maibe la fahe ita, la fahe Presidente da Repúblika ho nia Povu ida ne’e. Tamba ne’e ohin hamutuk fila fali ho imi Ainaro Oan sira ho haksolok bo’ot teb-tebs, atu kolia ba imi saida maka Presidente da Repúblika halo iha tempu ida ne’eba mai to’o agora”  Dehan Xefe Estado liu husi Diskursu Presidente da Repúlika iha Salaun Prokial Municipio Ainaro 19/11/2021.

Jornalista         : Moises da Silva Magno

Editor              : Racom Maubisse