Racom Maubisse, 25/11/21, Komando PNTL Munisipio Ainaro Kinta Feira ne’e, promove membru PNTL nain nen ba Postu Ajente Prinsipal ba kategoria promosaun pur antiguidade.
Ba Radio Komunidade Maubisse Mauloko, Segundu Komendante PNTL Munisipio Ainaro Superintendente Asistente Mario Vitor Da Costa hateten katak;
“membrus nain nen ne’e durante ne’e hatudu komportamentu diak, displina no laiha kazu disiplinar, ho nune’e mak sira nain ne’e promovidu ba Postu Ajete Prinsipal, tamba ne’e Husu ba membrus nain nen nebe hetan promosaun, atu nafatin hatudu disiplima nune’e ba futuru kontinua hetan oportunidade”.
Iha Fatin hanesan Administrador Munisipio Ainaro Leovigildo Amaral Pereira haten mos katak;
“Husu ba membrus nain nen ne’e, hatudu nafatin prestasaun servisu nune’e bele hetan apresiasaun”.
Entretantu Administrador Munisipiu Ainaro nee kontinua dezafia membrus PNTL sira seluk atu hatudu komportamentu diak nune’e iha futuru bele konkista promosaun.
Jornalista : Joaquim Coutinho
Editor : Moises Magno
