Racom Maubisse: Kinta-Feira, 02-12-2021 Governu Liu Husi Gabinete Apoiu Sosiedade Sivil Gabinete Primeiru Ministru hamutuk ho autoridade lokál Munisípiu Ainaro inaugura projetu instalasaun sistema  bee moos iha Suku Nunumoge, Aldeia Tukaro Nunumogue-Lau no Hatuserkey Postu Administrativu Hatu-Builiku Munisípiu Ainaro.

Ba Radio Komunidade Maubisse Mauloko, Koordenadór Gabinete Apoiu Sosiedade Sivil Filipe Da Costa haktuir katak; “Husu ba komunidade aldeia tolu, husi suku nunumoge no juventude sira atu kuidadu bee mos ne’ebé inaugura nune’e ba futuru governu bele hare fali problema sira seluk”.

Iha fatin hanesan, Francisco Sebastião Da Silva Hanesan Projek Manajer Ngo Naroman Timor Foun Relata katak; “Total orsamentu ba konstrusaun bee moos refere hamutuk osan dolar amérikanu rihun hat nulu resin ualu”.

Francisco Sebastião Da Silva  Salienta liu tan katak “bee mos ne’ebe konstrui ba aldeia tolu hamutuk torneira hat nulu resin rua, tanki foun limatuan tolu inklui bee matan ida”.

Jornalista            : Melvia Maria

Editor                    : Joaquim Coutinho