Istoria

by

Radio Komunidade Maubisse Mau-Loko, inisiu hari’i iha Komunidade ida ho naran Jose Maria Mendonça nia uma iha Raebecoa, Besik Hospital Antiga Maubisse, Antes de hari ka estabelece Radio Komunidade Maubisse Mau-Loko, ba dala uluk ekipa husi Organizasaun International Center For Jornalist halao uluk assessment, depois de halao tiha assessment, Responsabel Organizasaun International Center For Jornalist Liu Husi Country Director Sr. Cusc Rice kriakria enkontru ho autoridade local, husi sivil no military, chefe do suco nain sia, no chefe aldeia nenulu resin rua, igreja, sociedade sivil, jovena, lia nain, no instituisaun relevante sira iha Maubisse, hodi hari Radio Komunidade Maubisse Mau-Loko.

Radio Komunidade Maubisse Mau-Loko, Estabelese husi ICFJ (International Center for Jornalist) no hetan financeiro husi USAID, depois de hari no estabelese tiha Radio Komunidade Maubisse Mau-Loko, hetan inagurasaun iha dia 04 de Junho de 2010. 

Hahu husi estabelesimentu to’o finaliza, orsamentu no material sira hotu mai husi ICFJ (International Center for Jornalis). No ajudus sira hotu ne’ebe ajuda husi ICFJ (International for Jornalist), so bele suporta wainhira missaun ICFJ sei hamrik iha Timor-Leste ho nia sede central iha capital dili, ho durasaun tinan ida hahu husi dia 04 de Junho 2010 to’o dia 30 de Setembro 2011.

Depois de missaun ICFJ hakotu no remata nia missaun iha Timor-Leste, esistensia Radio Komunidade Maubisse, hamrik mesak no depende ba komunidade Maubisse, tamba komunidade mak sai nain ba Radio, liu husi reprezentante komunidade lubuk ida ne’ebe, komunidade rasik fo fiar hodi lidera Radio Maubisse.

Reprezentante komunidade sira ne’e, kompostu husi Presidente Konselho radio ida, vice presidente ida ho membru nain 7 (hitu).

No membru nain hitu ne’e numeia husi forum bo’ot ne’ebe, antes ICFJ (International Center for Jornalist) estabelece radio Maubisse, Depoisde hili tiha Konselho Radio Maubisse Mau-Loko, hafoin mak Konselho sira tur hamutuk hodi numeia fali jestor ka director ida hodi jere Radio Komunidade Maubisse ho nia membrus nain 6 (ne’en) inklui Jestor / Director Radio.