Iha Vizita Amu Bispu nian ne’e, Simu husi Amo Paroco Maubisse, akompanha husi Amu Vigariu Ainaro, Amu Vigariu Paroquia Maubisse, Residencia iha Hatobuilico, Autoirdade local, Madres, no sarani sira iha paroquia maubisse. Depois de simu tiha Arche Bispu iha Recinto Paroquia Imaculado Coração de Maria Maubisse, 25 de Junho 2021, liu husi missa ne’ebe selebra husi Archebispu iha dia 26 de Junho 2021, Iha Homilia ba sarani sira Dom Virgilio do Carmo da Silva SDB, husu ba Sarani sira tenke agradese ba Inan Imakulada Coração de Maria ne’ebé hanesan Mahein ba Paroquia Maubisse.

Lider Igreja Local Arquediocese Dili ne’e akresenta liu tan katak “Ita halibur hamutuk atu agradece ba Maromak, agradese ba ita nia Inan Doben Imaculada Coração de Maria ne’ebé lao ho korpu, lao ho sarani nafatin hamutuk ho sarani Paroquia Maubisse nian, iha susar iha ksolok nia laran, Tamba tinan ida mak ita foin selebra padroeira Imaculado Coração de Maria ne’ebe sai hanesan mahein Paroquia Maubisse nian. Ho nune’e dala ida tan ita hamutuk hato obrigadu Nai, obrigadu ba Ita ne’ebé fo mai ami Ita Nia Oan nia Inan atu bali ami, rona ami no hamutuk ho ami no sai ami nia mahein ne’ebé tau ami nia konfiansa ba Nia. Agradese ba diak tomak ne’ebe Maromak fo mai ita ida-idak. Tamba ne’e mai ita hotu ho haraik-an hodi rekoiñese ita nia sala, husu Maromak nia perdaun, nune’e de’it mak ita bele hola parte iha Eukaristia Santu ida ne’e.” tenik Archebispu iha nia homilia ne’ebe hato’o iha selebrasaun missa ba padroeira Imaculado Coração de Maria Maubisse foin lalais ne’eiha Igreja Paroquial Maubisse.

Hafoin de missa, Archebispu hamutuk ho padre, madre, autoridade local posto Maubisse husi sivil no militar, no sarani sira koa ke’ek hodi selebra loron padroeira Paroquia Maubisse nian, depois de serimonia koa kek, Archebispu kontinua halao viajem ba Paroquia Remixiu Aileu.

Jornalista  : Natalino Mendonça

Editora       : Teresa Nunes