by

Espoza Presidente da Repúblika Husu ba Inan Isin rua Kuidadu-an

Espoza Presidente da Repúblika Cidalia Nobre Muzinho Guterres Husu ba Inan Isin rua Kuidadu-an No Labele Halimar Ho Vida.

Racom Maubisse 18/11/2021 Espoza Presidente da Repúblika hato’o Mensagen ne’e Hafoin de halao Vizita ba Grupu labarik feto no mane iha edifesio Plan Internasional Municipio Ainaro Kinta feira loron 18 fulan Novembru 2021 foin lalais ne’e.

Ba Jornalista Radio Komunidade Maubisse Mau-Loko liu husi intervista Espoza Presidente da Repúblika Cidalia Nobre Muzinho Guterres fundamenta,husu inan isin rua atu kuidadu-an karik iha violasaun ruma presija hato’o no relata ba Parte kompeente buka solusaun tamba ema nia vida ne’e laos buat ne’ebe bai-bain atu halimar, no ema ida la bele viola ema seluk nia vida.

“Inan isin rua sira Situasaun hanesan ne’e ona prontu kuidadu imi nia an kuidau mos bebe ne’ebe imi iha, buat hotu sei lao tuir nia dalan.Se imi maka hakark duni ida ne’e oin seluk maibe se karik iha obriga ka ema ruma maka halo violensia ka violasaun ruma ne’e hau hanoin imi la bele nonok tenki kolia sai hato’o ba parte kompetente sira hodi hare tamba ema nia vida ne’e laos buat bai-bain ida atu halimar. Se maka brani halo ba labrik feto sira nia tenki toma responsabilidade i nia tenki hatan ba nia aktu sira ne’e tamba ema nia vida ne’e sagradu ema ida la bele viola ema seluk nia vida” Hateten Espoza Presidente da Repúblika 18/11/2021.

Tuir dadus ne’ebe maka Plan Internasional Rejista iha Municipio Ainaro, Labarik feto ne’ebe para eskola no kaben sedu hamutuk 45. Tamba ne’e Plan Internasional Involve ona sira iha atividade ne’ebe maka halao husi Plan Internasional. Hateten Country Direktora Plan Internasional iha Timor Leste Liliana Ximenes.

“Dadus Lolos Plan Internasional Rejista iha Municipio Ainaro dadauk ne’e iha alin feto sira hamutuk 45 ne’ebe maka sira para eskola no sira kaben sedu tamba ne’e maka ami impodera sira tuir aktividade ne’ebe maka Plan Internasional iha” Relata  Country Direktora Plan Internasional .

Jornalista         : Moises da Silva Magno

Editor              : Racom Maubisse

Comment